« »
 
LUPUS 1, LUPUS 2, LUPUS 3, LUPUS 4.
[]« 1 lupus » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 155b. http://ducange.enc.sorbonne.fr/LUPUS1
1. LUPUS, Carcinoma, cancer crurum, Gallice Loup. S. Eraclius Episc. Leodicensis in Charta fundationis Collegii Canonicorum S. Martini ejusd. urbis, circa ann. 963. apud Miræum tom. 1. pag. 653 :
Morbo qui Lupus dicitur graviter attritus et fere ad mortem deductus... Morbi locus, quem patiebatur in natibus, non est inventus : tamen in signum cicatricis quædam lineola rubea remansit,
postquam miraculo sanatus est ad tumulum S. Martini Turon. Eodem Lupi vocabulo utitur Hebernus in Miraculis sancti Martini apud Baluzium tom. 7. Miscell. pag. 170. ubi divinam ejusdem Eraclii, quem Hildricum vocat, sanationem enarrat. Rursum occurrit tom. 4. Gall. Christ. col. 844. in Actis SS. Junii tom. 4. pag. 844. ubi de B. Joanne Opilione. Menotus in Sermon. fol. 185. v°. :
Cibos regios sequuntur morbi regii, ut Lupus et gutta, qui non libenter quiescunt in hominibus parcis et laboriosis.
© École des chartes.
[]« 2 lupus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 155b. http://ducange.enc.sorbonne.fr/LUPUS2
2. LUPUS, Harpagonis species,
quo arietes avertuntur aut suspenduntur, ita ut impetum non habeant feriendi
, Vegetio lib. 2. cap. 25. lib. 4. cap. 23. sic dictus quod velut Lupus dentes ferreos exerat, arietemque apprehendat. Describitur etiam a Procopio lib. 1. de Bello Gotthico cap. 21. Extr. Diversa videtur machina ab ea quæ
Lupus Belli appellatur a Matth. Westmonaster. ann. 1304 :
Jussit Rex arietem fabricari, quem Græci Nicontam vocant, quasi vincentem omnia, et Lupum belli. Verum aries indecens et incompositus parum aut nihil profuit : Lupus autem belli, minus sumptuosus inclusis plus nocuit.
Ubi per Lupum belli, ni fallor, expressit Gallicum Louvel, id est, Lupulus. Vide Procopium lib. 1. Gothic. cap. 21.
les Bénédictins de St. Maur, 1733–1736.
◊ Non dubitat Carolus de Aquino Nicontam arietem in Matthæi Westmon. et fortasse aliorum historiam irrepsisse ex Josepho lib. 6. ubi legitur ejusdem fere nominis ariete alio usos fuisse Romanos ad quatiendos muros Hierosolymorum.
les Bénédictins de St. Maur, 1733–1736.
Lupus, nude, in Chronico Estensi apud Murator. tom. 15. col. 359 :
Unum maximum Lupum cum quo capiebat fortilitias domini Marchionis.
les Bénédictins de St. Maur, 1733–1736.
Loupus. Mandatum Ricardi II. Regis Angl. ann. 1394 :
Necnon ad quoscumque defectus, tam in muris, portis, turellis, Loupis, pontibus, barreris et fossatis, quam in domibus.
Harpagones intelligo.
© École des chartes.
[]« 3 lupus » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 155b. http://ducange.enc.sorbonne.fr/LUPUS3
3. LUPUS, Piscis genus. Tract. MS. [] de Pisc. cap. 16. ex Cod. reg. 6838. C :
Lupus piscis, hodie a Romanis dicitur lupasso et spigola, a Liguribus louvazzo, a Venetis varolo, a solis Hetruscis araneo, ab Hispanis lupo, a Gallis lubin, pro lupin, a lupo,... sunt etiam luporum ὠὰ ζαρισχα quæ etiam botargues vulgus vocat.
© École des chartes.
[]« 4 lupus » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 155c. http://ducange.enc.sorbonne.fr/LUPUS4
4. LUPUS, Vela nigra ; et vocatur ista vela sic, eo quod, ut lupus, occulte incedit navis cum illa. Glossæ Fr. Barber. ad Docum. d'amor.
Lupum Proclamare. Thwroczius in Alberto Rege Hungar. cap. 27 :
Hungari vero ex longa campestralis hospitii mora tædio affecti,... Lupo juxta antiquam ipsorum consuetudinem proclamato, invito Rege sparsim et confuse relictis regiis Castris recedentes abierunt.
Nos diceremus Crier au Loup, quod facere solent, qui fugam alicui suadere volunt.
P. Carpentier, 1766.
Lupus Moninus. Vide Moninus.
Lupa Cervalis. Glossæ MS. : Linx, lupa cervalis, quæ fertur dormiendo videre.
P. Carpentier, 1766.
Lupus Ramagius, Idem videtur qui Cervarius. Consolat. Boet. MS. lib. 4 :
La grant ardeur de son courage
Le fait semblant à Loup ramage.
Ibidem :
Ours, ou lions, ou Loups ramages.
P. Carpentier, 1766.
◊ Loup beroux, idem qui Loup-garou vulgatius appellatur, in Lit. remiss. ann. 1415. ex Reg. 169. Chartoph. reg. ch. 204 :
Ribault prestre, champiz, Loup beroux, etc.
Haud scio an eadem acceptione Leu wasté legitur in aliis Lit. ann. 1355. ex Reg. 84. ch. 65 :
Quamplurima verba injuriosa de dictis Johanne et ejus uxore dixit Johannes Cosset, et specialiter dictum Johannem vocavit Leu wasté et ejus uxorem ribaude.
© École des chartes.