LYTÆ, Qui tribus annis Legum studio impensis quartum adjungebant : de his Justinian. ad Antecessores § 5 :

Sed quia solitum est anni quarti Studiosos Græco et consueto quodam vocabulo λύτας, appellari ; habeant quidem, si maluerint, hoc cognomen.

Sic autem dictos volunt quidam, quod exacto illo studiorum curriculo jamjam solvendi essent, ac legendi libertate, nullo interprete magistro, donarentur : Turnebus vero lib. 8. Advers. cap. 19. sic. dictos mavult, quasi

Solutores, qui civili sapientia tantum promoverunt, ut Legum ænigmata possint subtiliter et accurate dissolvere

, juxta illud Juvenalis Sat. 8 :

Qui juris nodos legumque ænigmata solvat.