MACULA 1, Glossarium mediae et infimae latinitatis, Du Cange et al.

« 1 macula » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 164b. http://ducange.enc.sorbonne.fr/MACULA1

1. MACULA, Præstatio agraria, sic dicta quod agri qui hujusmodi præstatione gravantur, inquinati et commaculati quodammodo sint ; ejusdem proinde notionis et originis atque Tasca. Vide in hac voce. Regestum 2. Philippi Pulcri Reg. Franc. num. 132 :

Super capitagio, manumortua, maritagio, seu super alia quacumque Macula seu redibitione servili non molestabimus in futurum. Maailles des tavernes,

præstatio pecuniaria a cauponibus persoluta, in Charta ann. 1287. ex Chartul. Domus Dei Pontisar.

MAÇUA 2. MACULA © École des chartes.

« 2 macula » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 164b. http://ducange.enc.sorbonne.fr/MACULA2

2. MACULA et Macla, Hama thoracis, nostris Maille. Joanni de Janua : Macula, squamma loricæ. Maille de hauberjon, ou de roiz, in Gloss. Lat. Gall. Sangerman. Will. Brito lib. 11. Philippid. pag. 232 :

..... Inter

Pectus et ora fidit Maculas thoracis.

Et infra :

Restitit uncino Maculis hærente plicatis.

Macla. Nicolaus de Braia in Ludov. VIII :

Nexilibus Maclis vestis distincta novatur.

Fridericus II. lib. 2. de Venat. cap. 37 :

Habeantur duo annuli seu Maclæ loricarum, etc.

Maculæ Catenarum. Gregorius Turon. de Vitis Patr. cap. 8 :

Aspicit confractas compedes, desumptasque Maculas catenarum, quæ culpabilium vel astrinxerant colla, vel suras attriverant.

◊ Sunt etiam Maculæ, plagæ retium. Gloss. Gr. Lat. : Στάλιϰες, τῶν διϰτύων αἱ στάσεις, hæ plagæ. Glossæ MSS. ad Prudentium : Maculæ, internodia, i. aperturæ retis. Cicero in Verrem 7 :

Reticulumque ad nares sibi admovebat, tenuissimo lino, minutis Maculis, plenum rosæ.

Stat. lib. 2. Thebaïd.

Qualis ubi audito venantum murmure tigris

Horruit in Maculas.

Walafridus Strabus de Vita S. Galli lib. 1. cap. 12 :

Deinde mittentes in gurgitem rete, ceperunt pisces quantum volebant, et dum pisces de Maculis lini absolvunt, audiunt in summitate montis voces, etc.

Statutum Philippi Reg. Franc. ann. 1293. de fluviis, de aquis pro salvatione piscium, ex tabul. Monast. S. Quintini in insula :

Premierement nous voulons, que tous les engiens desquels l'on peschera doresenavant, et seront faits de fil, soient faits, à nostre Maclle, c'est à sçavoir, à la largeur d'un Parisi du tranchant chascune Maille, et pourront estre faits plus larges pour prendre les gros poissons.

Hinc Macula regis, in Charta ann. 1295. ibid. pag. 16 :

Pronuntiamus, quod dicta vervilia, quibus eis piscari licebit, non habeant in corpore ultra quinquaginta maculas ad Maculam regis, et 60. maculas in collo : macula autem colli vervilli ultra 16. vias macularum non contineat.

P. Carpentier, 1766.

◊ Hinc Mailhé et Mailhu, maculis seu hamis contextus, in Poem. Alex. MS. part. 2 :

Et férir des espées as bons haubers Mailhus...

Targes froissier et fendre haubers menus et Mailhez.

Hinc Resmailler, Maculas restituere, reparare, in Stat. ann. 1407. tom. 9. Ordinat. reg. Franc. pag. 205 :

A grant peine sauroient ilz restouper ne Resmailler un trou estant en ung haubergon.

« 3 macula » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 164c. http://ducange.enc.sorbonne.fr/MACULA3

3. MACULA, Vulnus, plaga. Annal. Placent. apud Murator. tom. 20. Script. Ital. col. 878. ad ann. 1443 :

Scalis cordeis arcem noctu conscenderunt,... secum vinctum ducentes castellanum, quem postea sine Macula relaxarunt.

Vide Maculare.