« »
 
[]« Mafors » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 166b. http://ducange.enc.sorbonne.fr/MAFORS
MAFORS, Mavors, Operimentum capitis, maxime feminarum, apud Papiam, Isidorum, et alios, a nobis laudatos ad Alexiadem pag. 330. Gloss. Gr. MS. Reg. Cod. 1673 : Πέπλον, γυναίϰειον ἱμάτιον, μαφώριον. Aliud Gloss. Cod. 2062 : Μαφόριον, τὸ τῆς ϰεφαλῆς περίϐλημα. Τὰ μαφόρια γυναιϰῶν, apud Palladium in Vita Chrysostomi pag. 87. Epitimia Basilii nomine inscripta :
Εἴ τις ἄνευ μαφορίου ποιεῖ ἔργον ἐν οἵῳ δή ποτε τόπῳ, γενέσθω ἀπευλογίας.
Ubi sumi videtur pro scapulari Monachico : nam mafortes Monachis tribuit Cassianus. Mafortem vocat Fortunatus in Vita S. Hilarii Episc. Paris. cap. 2. n. 11. peplum, seu velum, quo sepulcra et tumbæ Sanctorum obvolvebantur. Charta Cornutiana edita a Suaresio, Mafortem inter vestes sacras reponit :
Mafortem tramosericum rodomelinum aquilatum : item Mafortem e teleoporphyro tramosericum opus marinum, etc.
Velum omne mafortem dictum significat Hist. MS. Monast. Beccens. pag. 352 :
Ossamenta multiplicia in quadam Maforte.
Acta S. Marcellinæ tom. 4. Julii pag. 236 :
Et vestis sacræ Mavorte quodam modo subarratam, Christi Jesu quem totis visceribus concupiverat, immaculatam sponsam effecit.
Mafora, pro Mavors, vel Mafors, occurrit in Vita S. Gudilæ Virg. cap. 6. et apud Ordericum Vitalem lib. 2. pag. 397. Ordinarium Lexoviense MS. :
In festo [] Purificat. Mafora B. M. Virginis defertur uno speciali cereo præcedente. In die Annunt. Ad processionem Mafora cum cereo.
les Bénédictins de St. Maur, 1733–1736.
Maforite, Matronale operimentum capitis. Papias MS. Eccles. Bituric.
les Bénédictins de St. Maur, 1733–1736.
Maforium, in Actis SS. tom. 3. Julii pag. 41.
Maforteum. Acta purgationis Ceciliani :
Tunicæ muliebres 82. Mafortea 38. tunicæ viriles 16.
Mafortiolum. Acta S. Nestoris Mart. cap. 1 :
Habens Mafortiolum super caput suum.
Vide Salmasium ad Vopiscum pag. 390.
les Bénédictins de St. Maur, 1733–1736.
Mavorte, Matronale operimentum, quod caput operit ; vocatum autem sic quasi Marte. Mavorte signum est maritalis dignitatis ; idem et stola dicitur. Papias.
L. Henschel, 1840–1850.
Mafortum. Richer. lib. 1. cap. 29. prior. lect. :
Procedit itaque cum Dalmatio et Aquitanis, frontibus Maforto signatis.
Has voces postea delevit auctor.
© École des chartes.