1. MAJORITAS, Incrementum, commodum, excellentia, accessio. Chartular. Abbatiæ Boni loci apud Baluzium tom. 2. Hist. Arvern. pag. 82 :

Ita scilicet quod si summa ejusdem decimæ quingentorum sextariorum fuerit, minoritas de reliqua terra suppleatur mediantibus frumento et avena ; et si in eadem fuerit Majoritas, nihilominus sua erit.

Charta Officialis Claromont. ann. 1354. ibid. pag. 319 :

In evantatgium ac Majoritatem procreatis liberis ab ipsa Ysabella et ab alio viro, si contingebat, procreandis.

Vita S. Vitalis Abb. tom. 2. Martii pag. 28 * :

Et credentes in te probari permittis, ut ad Majoritatem boni operis valeant provenire.

Statuta Equitum Theuton. art. 30. apud R. Duellium Miscellan. lib. 2. pag. 42 :

Hanc igitur fratres modis omnibus amplectantur, non solum ut invicem non provocent vel offendant, sed contendant secundum Evangelia Majoritatem mutuis ministeriis et charitatis officiis obtinere.

Vide Majestativus.