MANLAT, Species monetæ Græcanicæ, cujus meminit Arnoldus Lubecens. lib. 3. cap. 33 :

Unum denarium, qui Manlat dicitur, ei voluntarie persolvam.

Et infra :

Est autem Manlat de viliorum numismate, qui nec totus sit aureus, nec totus cupreus ; sed quasi de confusa et vili constat materia.

Proinde Manlat longe Byzantio aureo inferior erat, et metalli dignitate, et pretio, ut idem auctor innuit. Erat autem Manlat moneta Manuelis Comneni Imperatoris imagine et nomine signata, quæ Manulat dicitur in Instrumento pacis Theodorum Lascarim Imp. inter et Venetos, cujus meminit Julius a Puteo Veronens. in Geneal. familiæ Lascar. pag. 16 :

Nelle monete che si battevano, fussero differenti gli Yperperi, et i Manulati ne gl' Imperii loro.

Mox addit :

Manulato era moneta di reputatione fatta battere da Manuel, che ne fu l'autore.

Vide Notas nostras ad Alexiadem.