« »
 
[]« Manulevare » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 240b. http://ducange.enc.sorbonne.fr/MANULEVARE
MANULEVARE, Fidejubere. Consuetudines et jura Eccles. de Regula in Aquit. tom. 2 Bibl. Labbei :
Omni tempore statutum est forum in villa Regulæ. In die Sabbati dominus de Girunda tenet in hoc foro in feodum de Priore justitiam mercati : nec debet alia die Sabbati aliquid ultra rivos emere : quod si factum fuerit, ad dominum Girundæ pertinet justitia, et ipse die Sabbati Manulevabit.
Et infra :
Prior et Claviger poterunt Manulevare.
Ibidem :
Si duo vel tres socii fuerint in porco vel vacca vel ariete, de unoquoque Manulevabit, etiam si unus vendiderit pro omnibus.
Fori Morlanenses art. 22 :
Nemo hujus villæ debet domino accommodare, vel Manulevare præter voluntatem suam.
Fori Oscæ ann. 1247. fol. 4 :
Cum pro ullo clamo aliquis homo pignoraverit alii homini aliquam bestiam, et postea dederit ei ad Manulevandum usque ad certum terminum, etc.
Chartarium Eccl. [] Auxitanæ cap. 92 :
Bonicellus captus olim apud Lavardenum, cum se redimere non posset, Raimundum Bergot consanguineum suum rogavit ut eum Manulevaret.
Vide Foros Aragonenses Edit. 1. Consuetudin. Tolosæ part. 2. Rubr. de Societat. et Consuetudines villæ Martelli apud Justellum in Probationibus Hist. Turenensis pag. 40.
Manulevator, inquit Michael del Molino in Repertorio Foror. Aragon. :
Fidantia et Fidejussor sunt vocabula synonyma,... et Fori et Observantiæ dictis vocabulis promiscue utuntur.
Consuetudines seu Fori Jaccæ in Hispania apud Hieron. Blancam :
Mercatores de Jacca, vel alios homines extraneos nullus au deat pignorare, nec desturbare, nisi fidejussor sit, Manulevator, vel creditor.
Ibidem :
Nullus sit fidejussor, vel Manulevator ultra quam potest.
Usatici Majoricenses MSS. :
Debitor vel fidejussor possit dare pignus suo creditori ad 10. dies cum Manulevatore idoneo.
Vide tom. 8. Spicilegii Acheriani pag. 195. Itali Mallevadore dicunt, de qua voce vide Menagium et Ferrarium.
Manulevatio. Charta ann. 1237. in Regesto Comitatus Tolosæ fol. 93 :
Fontes, piscarias, et ribatica, quæstas, toltas, successiones, et escaducas, Manulevationes,
et adempriva, etc. Statuta Massil. lib. 1. cap. 1. § 18 :
Item, quod ipse Rector teneatur post exitum sui regiminis moram facere in Massilia per quindecim dies continuos, causa persolvendi debita et Manulevationes si quæ debuerit, et subierit tempore sui regiminis, vel post quandiu fuerit in Massilia donec solverit, vel solvi fecerit debita quæ tunc temporis debebit in Massilia, et Manulevamenta, vel alius seu alii pro eo, et nihilominus secum retineat interim omnes illos qui pro eo aliquid Manulevassent tempore sui regiminis, quod tamen nondum esset solutum.
les Bénédictins de St. Maur, 1733–1736.
Manulevatum, Eadem notione, in Charta ann. 1412. ex Archivis D. de Flamarens :
Recognosco me recepisse ab Aymerico Bermondi plenam et integram solutionem, satisfactionem et emendam in et de omnibus et singulis debitis, creditis, Manulevatis.
Manuleuta, Idem quod Manulevatio. Prima Curia Generalis Cataloniæ Jacobi Regis Aragon. ann. 1291 :
Nec ejiciamus ipsum a captione, neque absolvamus Manuleutam, si manulevatus erit, usque dum restituerit malefactum.
Occurrit ibi pluries.
© École des chartes.