« »
 
[]« Mariscus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 281b. http://ducange.enc.sorbonne.fr/MARISCUS
MARISCUS, Palus, Gallis Marés, vel Marais, quam vocem a Mare, id est, collectione aquarum deducit Salmasius : Somnerus a Saxonico mersc, palus. Charta apud Mabill. tom. 2. Annal. Bened. pag. 697 :
Cum terra et silva, Marisco ad integrum meam partem... trado atque transfundo.
Tabular. Dolense ann. 1303 :
Quædam terræ arabiles sitæ in parochia de Pleudehen juxta flumen de Rentra, qui vulgariter appellantur magni Marisci D. de Querquen.
Ingulfus :
Vicinas paludes, circumque jacentes Mariscos immeabiles reddebant.
Infra :
Cum insula circumjacente, et duobus Mariscis adjacentibus.
Occurrit non semel apud Matth. Paris, et alios.
les Bénédictins de St. Maur, 1733–1736.
Marescium, Eadem notione, in Chartular. S. Vincentii Cenoman. fol. 118.
les Bénédictins de St. Maur, 1733–1736.
Marescum. Charta ann. 1030. ex Tabulario Montis S. Michaelis :
Alanus D. G. Britannorum Comes dedi Deo et Beato Michaeli villam Bohel cum omni Maresco quod ad eam pertinet.
Charta Eustachii Comit. Bolon. ann. 1112. apud Baluz. tom. 2. Hist. Arvern. pag. 137 :
In aquis, in piscationibus, in pratis et in Marescis.
Chron. Andrense tom. 9. Spicil. Acher. pag. 471 :
Tertiam partem Maresci de Bavelinghem... pertinaciter exegit.
P. Carpentier, 1766.
◊ Nostris Maresqs, Mareschat et Mareschiere. Chron. S. Dion. lib. 1. cap. 2. tom. 3. Collect. Histor. Franc. pag. 156 :
Li leux estoit tant fort et si périlleus pour les fonteniz et pour les Mareschieres, etc.
Instr. ann. 1406. ex Bibl. reg. :
Laquelle fiefferme est toute en un lieu, où il souloit avoir un vivier, qui pieça aterry et vint en prez,... et de present est en Maresqs.
Lit. remiss. ann. 1475. in Reg. 195. Chartoph. reg. ch. 1483 :
Pour fener et mettre en mullon le foing qui estoit faulché en leur pré, Mareschatz, botz ou marates... Le bot du prestre, autrement dit marates ou Mareschatz.
Hinc Mareschier, Pratum adaquare, in Charta ann. 1364. ex Reg. 96. ch. 75 :
Les habitans peuent et porront [] fouir une gauge en parfont en leursdiz marez pour Mareschier.
les Bénédictins de St. Maur, 1733–1736.
Mareseum, in Chartular. S. Vandreg. tom. 1. pag. 10 :
Item vendidi.... unam piecham terræ sitam... supra Mareseum.
Maresium, Eadem notione. Charta Philippæ Comitissæ Pictavensis, uxoris Guillelmi VIII :
Quod ego audiens graviter tuli, pro eo quod eadem Maresia dicebantur esse de osculo meo.
Charta ann. 1239. ex Tabular. monast. de Alba corona :
Joscelinus D. de Rocha Bernardi dedit Abbatiæ de Alba corona salinam suam quam habebat in Maresiis de Trevali, in ipso videlicet introitu Maresiorum.
Charta de Aquariatu de Talemundo :
Item sex sextaria salis ad mensuram Olonæ quæ habemus super Maresio Martini singulis annis, annui et perpetui redditus ; quod quidem Maresium tenet archipresbyter Alperiensis.
Occurrit præterea in Charta anni 1217. apud Sammarthanos tom. 4. Galliæ Christ. pag. 5. et in alia anni 1244. in Probat. Hist. Castanetorum pag. 23. 24.
Marescagium. Charta anni 1267. qua Matthæus de Montemorenciaco vendit Abbati S. Dionysii,
quosdam redditus et usagia in terra et supra terram Ecclesiæ S. Dionysii in Francia apud Argentolium. Qui redditus Cursus et Marescagium vulgariter nuncupatur, pro 40. libris Paris
. Facultas forte utendi marescis alterius domini. Hic, Marescagium, nomen est proprium territorii cujusdam prope Argentolium, quod vulgo le Marais dicitur.
Marescheius, Palus, locus palustris, Marais. Charta Gilonis de Aciaco Militis ann. 1227. in Tabulario Ecclesiæ Meldensis f. 30 :
Ex parte Crociaci ab introitu Mareschei... ita tamen dicerem mareschicos de Estrepill. qui sunt inter molendinum de Molignon, etc. Mareschere,
dicebant nostri, quomodo pascua vertit Hugo Plagon in versione Gall. MS. Will. Tyrii lib. 2. cap. 19. Guill. Guiart ann. 1304 :
D'autre part outre la riviere,
Se sont prés d'une Mareschiere
Li Flamens tendus à grant presse.
Robertus Bourronus in Merlino MS. :
Une tour fort et haut, qui seoit en une Marescherie.
les Bénédictins de St. Maur, 1733–1736.
Marisculum, diminut. a Mariscus. Lambertus Ardensis apud Ludewig. tom. 8. Reliq. MSS. pag. 517 :
In Marisculo apud Ardeam juxta molendinum exclusam... fecit.
P. Carpentier, 1766.
◊ Ita Maresquel, a Marest, in Charta ann. 1399. ex Chartul. 23. Corb.
les Bénédictins de St. Maur, 1733–1736.
Marescosus, Locus palustris. Willelmus Brito lib. 2. Philipp. :
Quaque Marescosos extendit Flandria campos.
les Bénédictins de St. Maur, 1733–1736.
Marisiacus, Idem quod Mariscus, Palus, Marais. Bulla Johannis VIII. PP. ann. 877. tom. 3. Annal. Bened. pag. 679 :
Berziacum una cum molendino, Berziso Marisiacos duos atque spicarium.
© École des chartes.