MARTREIUM, Gall. Martroi, Forum publicum, ubi rei torquentur et morte multantur seu martyrizantur ; unde nomen. Charta ann. 1317. in Reg. 56. Chartoph. reg. ch. 116 :

Domus sita in Martreio S. Johannis in Gravia.

Obituar. MS. hospit. S. Jacobi Meledun. 3. Non. Mart. :

Obiit Agnes filia Petri de Aubigniaco, quæ dedit nobis duos solidos Paris. annui redditus sitos... supra domum Petri de Albigniaco, quæ domus sita est in Martreio.

Ita quoque legendum puto, pro Marejum. Vide in hac voce. Martray, in Stat. ann. 1439. ex lib. 1. Ordinat. artif. Paris. fol. 20. r°. :

Et à ce que chascun soit acertené dudiz pris du pain, se fera cry publique ès halles, en Greve et au Martray en la Juifrie.

De quo intelligendum videtur Ordinar. eccl. Paris. MS. in festo Corporis Christi :

In Martoreto datur benedictio : post, sermo.