« »
 
[]« Maspilus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 295c. http://ducange.enc.sorbonne.fr/MASPILUS
MASPILUS. Synodus Pergam. ann. 1311. apud Murator. tom. 9. col. 547 :
Vestes virgulatas seu de catabriato, de medietate, vel listatas, vel frixis aut Maspilis argenteis, vel de metallo aliquo... minime deferentes.
Constitutiones Joannis Archiepisc. Nicosiensis ann. 1320. cap. 4. de Habitu Canonicorum extra Ecclesiam :
Ut nullus extra domum suam portet guarnachiam de ante scissam, seu apertam per terram : nec Maspilos de argento seu auro, nisi de panno tantum, aut osse, etc.
f. Maspilus, pro Mespilus, Gall. Nefflier, mespilum, Neffle ; qua quidem voce globulos vestium, Gall. Boutons, significatos existimo, qui ideo Maspili dicuntur, quod mespili formam referrent.
P. Carpentier, 1766.
Maspillus. Stat. ant. Florent. lib. 1. cap. 66. ex Cod. reg. 4621 :
Bannitores communis Florentiæ... debeant induere se expensis propriis,... et in eorum vestibus portare Maspillos argenteos.
Stat. ann. 1342. inter Monum. eccl. Aquilej. cap. 90. col. 903 :
Item quod in pannis et in vestibus non possint portare ornamenta,... exceptis lanzettis seu Maspillis circa pectus... Quæ tamen lancettæ vel Maspilli non excedant valorem unius marchæ denariorum.
Ex quibus aperte colligitur vestium fuisse ornamentum hominibus perinde ac mulieribus commune ; quod potius de aciculis, Italice Spilli, quam de globulis, Gall. Boutons, cum clarissimo editore Bern. Maria de [] Rubeis intelligendum existimo : si quidem ibi memorantur botoni, a quibus proinde Maspilli distingui debentur.
© École des chartes.