![[]](http://media.enc.sorbonne.fr/ducange/jpg/M/300b.jpg)
« Mastigia » (par C. , 1678), dans , et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 300b. http://ducange.enc.sorbonne.fr/MASTIGIAMASTIGIA, Flagrum, flagellum, ex Græco μάστιξ. Gloss. MS.
Reg. Cod. 1197 :
Mastigia, flagella vel virga.Glossæ antiquæ MSS. et ex iis Papias :
Mastigiæ, taureæ, flagella.Charta Ludovici Pii Imper. apud Doubl. pag. 376 :
Si vero servus fuisse comprobatur, centum quinquaginta ictibus publice nudatus coram Judicibus Mastigia feriatur.Gilda Sapiens de Excidio Britanniæ :
Quosdam relinquentes Præpositos, indigenarum dorsis Mastigias, cervicibus jugum, solo nomine Romanæ servitutis honorem facturos.Aimoinus lib. 2. Hist. cap. 6 :
Non etiam ferreis constringeretur nexibus, aut ligaretur Mastigia.Atque inde Mastigia pro fustuaria et flagellaria pœna sumitur in Decretis sancti Stephani Regis Hungariæ lib. 1. in Proœm. qua apud Hungaros servi puniuntur :
Filiusque Salomonis.... minatus est populo percussiones frameæ pro Mastigiis.
Mastigia, præsertim accipitur pro scutica, ex corio confecta, qua Monachi præcinguntur.
Papias :
Mastigia, corrigia, qua mantellum conglutinatur.Jo. de Janua :
Mastigia est corrigia balthei, vel quo mantellus conglutinatur ante, et ponitur quoque pro flagello.Guibertus lib. 3. de Vita sua cap. 5 :
Orabat sane Mastigia chlamydis a tergo rejecta, junctis a pectore inter orandum palmis. Constricta itaque a posteriori parte lacerna, alter eorum ita eum insuit, ut facile manus movere non posset.Vita S. Mochoemori, seu Pulcherii Abbat. n. 25 :
Et ponens S. Pulcherius Mastigiam suam in terra, ibi oblitus est eam, quæ crevit in magnam arborem. Mastigiale vinculum,in Miraculis S. Agili Abb. lib. 1. cap. 5.
