MATHEMA, Doctrina, ex Gr. μάθημα, apud Maxentium Joannem in libello Fidei. Gloss. Græc. Lat. : Μάθημα, Mathema, documentum, studium. Sic porro Symbolum Nicænum appellarunt SS. Patres, quod esset id, quod Christianos doceri oporteret, vel quod fidei decreta edoceret. Concil. Chalcedon. Act. 1 :

Τὸ μάθημα πῶς ἔχει ; ἔφη ὁ ϰῦρ Ἰωαννής, ὅτι περ τὸ μάθημα ἔχει ὁμοούσιον τῷ πατρὶ μόνον.

Occurrit ibi aliquoties, et in V. Synodo Constantinop. Act. 8. Vide Henr. Valesium ad Socratem lib. 1. cap. 8. et Glossar. med. Græcit. col. 851. ubi Symbolum Apostolorum exponitur.