MATUTINARIUS, Glossarium mediae et infimae latinitatis, Du Cange et al.

« Matutinarius » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 311c. http://ducange.enc.sorbonne.fr/MATUTINARIUS

MATUTINARIUS. Regula Monachorum S. Cæsarii, seu S. Tetradii, § 21 :

Post hoc dicant Matutinos directaneum : Exaltabo te, Deus meus et Rex meus. Deinde in ordine totus Matutinarius in Antiphonas.

Regula S. Aureliani pag. 67 :

Et sic impletis tribus Missis, (id est officiis) dicite Matutinarios Canonicos, id est, Canticum in Antiphona, deinde directaneum, Judica me, Deus, etc.

Vide Matutini.

Matutinarii, in Ecclesia Carnotensi videntur appellati, qui Matutinis intererant, quibusque ex eo certa distributio assignata erat, in Tabul. ejusdem Eccles. Ch. 175. 278. 279. 307.

P. Carpentier, 1766.

◊ Hæc minus accurate ; capellani

quippe designantur, qui ratione beneficiorum suorum non matutinis modo, sed et aliis omnibus diurnis officiis interesse eaque exequi tenebantur, in quibus vices canonicorum agebant, unde ipsorum vicarii interdum dicuntur, Gall. Matiniers. Haud scio an ab Horariis distinguendi sint Matutinarii, nisi forsan quod aliqui ex illis potissimum matutinis erant addicti. Lib. jurament. eccl. Carnot. MS. ann. 400 :

Pro officio divino sunt ibi instituti viginti quatuor Matutinarii pro horis nocturnis, et alii sunt instituti pro horis diurnis.

Vidi supra Horarius 2. Necrol. vet. ejusd. eccl. :

iiij. non. Mart. Obiit Petrus de Minciaco diaconus et archidiaconus Blesensis, qui dedit ecclesiæ xij. lib. annui reditus super domos suas in vico Vassellorum, pro quodam Matutinario perpetuo.

In recentiori Necrol. de eodem legitur :

Pro suo Matutinarum vicario perpetuo,

ex ejus Testamento ann. 1297. et ex Computo ann. 1318. Idem Necrol. vet. :

Pridie Cal. Maii (ann. 1302.) Obiit J. de Albiniaco presbyter, subdecanus hujus ecclesiæ, qui dedit domum suam, sitam in claustro retro Eleemosynam, ita ut de pensione prædictæ domus solvantur xiv. libræ cuidam Matutinario presbytero instituendo, qui continue surgat ad Matutinas.

Aliud recens :

x. Cal. Maii Obiit Philippus de Cornillon .... qui dedit.... xij. lib. pro unius Matutinarii perpetui institutione.

Charta Caroli V. ann. 1367. ex Tabul. Carnot. :

Optamus quod duodecim dictæ ecclesiæ capellani in collegio horariorum et Matutinariorum ipsius ecclesiæ ex nunc per decanum et capitulum ejusdem ecclesiæ electi, etc.

Qui iis præerat in ecclesia Parisiensi vel qui reditus pro matutinis assignatos colligebat, distribuebatve, Matutinarius nuncupatur in Comput. ejusd. eccl. ann. circ. 1381. ex Bibl. S. Germ. Prat. :

A Matutinario super redditibus datis per eum apud Vernotum, x. lib.

Charta ann. 1312. ex Tabul. capit. Carnot. :

Pierre de Rochefort chantre de Chartres et arcediacre de Langres a donné.... à l'église de Chartres cent souls et un mui de blé de rente perpétuel aus us de un Matinier perpétuel en l'église de Chartres.

Charta vero concessionis ejusdem Petri de Rupeforti ex eod. Tabul. habet :

Ad usus matutinarum.

Lit. remiss. ann. 1463. in Reg. 199. Chartoph. reg. ch. 550 :

Ouquel cloistre (de l'église de Chartres) avoit en la maison des Matiniers plusieurs des chantres de ladite église, lesguelx chantoient, jouoient et se esbatoient à plusieurs instrumens.

Nunc Matiniers vel Heuriers vocant cantores quoscumque mercenarios.