MAVISCUS, Malvicius, avis genus, Gall. Mauvis. Glossar. Lat. Gall. ann. 1348. ex Cod. reg. 4120 : Maviscus, Gallice Mavis. Lit. remiss. ann. 1367. in Reg. 99. Chartoph. reg. ch. 207 :

Cum Warinus de Grebovalle armiger duos Maviscos, aves videlicet vocatas Gallice Mauvis, pro suo solacio ad instruendum garrulare vel loqui, ut faciunt aves hujusmodi, Petro Heuvin pictaciario vel saveterio, in talibus, una cum quadam ejus filia experte, qui se oneravit super hoc, tradidisset, etc.

Chron. Angl. Th. Otterbourne edit. Hearn. pag. 261 :

Anno gratiæ 1408... fuit hiems gravissima,... sic quod pene cunctæ volucres de genere Maviscorum vel merularum fame frigoreque defecerunt.