Medianus, pro Secundus. Audoenus in Vita S. Eligii :

Lotharius Medianus.

Pactus Legis Salicæ tit. 2 :

Si quis porcellum lactantem furaverit de chranne prima aut de Mediana ;

id est, de secundo coitu.

Medianus, Compromissarius elector, cui eligendi facultas datur, ad idque deligitur a partibus. Acta Innocentii III. pag. 3 :

At exclusis justitiariis Senatoris, qui ei fidelitatem juraverunt, suos justitiarios ordinavit, electo per Medianum suum alio Senatore tam in urbe, quam extra, patrimonium recuperavit nuper amissum.

Et pag. 146 :

Fecerunt nuntios destinari, qui ad eligendum peterent Medianos,

de iis qui Romæ Senatores eligebant. Mox :

Consultum est ergo summo Pontifici, ut convocato populo assignari eis faceret Medianum, qui unum eligeret Senatorem. Ipse vero ne contra personam Mediani quidquam objicere possent, fecit eis assignari pro Mediano nobilem virum Joannem Petri Leonis, qui ab universo populo approbatus, juramento secundum morem exhibito, Gregorium Petri Leonis Rainerii Senatorem eligit.

Charta ann. 1207. apud Ughellum in Aprutinis Episc. :

Concedimus quoque vobis judices, et potestatem jura vestra perpetuo exercere, sed hoc modo : cum tempus etenim potestas eligendi venerit, Episcopus hæreditariis hominibus hujus civitatis Medianum inveniat ; hominem videlicet idoneum, convenientem et non diffamatum,... qui potestatem eligendi habeat.

Occurrit ibi pluries.

Medianus, Mediæ magnitudinis. Ita passim in Historia Episcoporum Autissiodor. cap. 25 :

Gabata Mediana, etc.

Medianus Caballus, Medii pretii, in Lege Alem. tit. 70. § 3. Medianus bos, tit. 78. Mediana equa, Medianus Alamannus, mediæ sortis ac conditionis, in Capitulis ad eamdem Legem cap. 22. 43. Medianus infans, in Leg. Alem. edit. Baluz. tit. 39. Mediani digiti, in Leg. Bajwar. tit. 3. § 13. i. e. medii :

Illos Medianos duos digitos cum decem solidis componat.

Adde tit. 4. § 9.