« »
 
[]« Meillerola » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 328a. http://ducange.enc.sorbonne.fr/MEILLEROLA
MEILLEROLA, Liquidorum mensuræ species in Provinciæ Comitatu. Liber Rubeus Archiepiscopatus Aquensis ex Bibl. Regia :
Ecclesiæ quæ faciunt certam quantitatem vini domino Aquensi Archiepiscopo, videlicet Ecclesia de Ventabrens facit Meillerolas vini duodecim.
les Bénédictins de St. Maur, 1733–1736.
Meillarola et Meillairola, Eadem notione, vulgo Millerole. Charta ann. 1216. ex Archivis Massil. :
In Libris subtilibus, in grossis, in marchis, in Meillarolis vini et olei, in quibuscumque aliis juribus consistant.
Alia ann. 1392 :
Unum vaysellum vini rubei tenentem novem metretas seu Maillarolas et duo scandalia, etc.
Hinc Meillarola, videtur eadem mensura quæ Metreta ; et quidem promiscue utraque vox usurpatur in pluribus Instrumentis ex Tabular. S. Vict. Massil. Statuta Massil. lib. 1. cap. 39 :
Rector... faciat fieri de pecunia Communis 24. mensuras de cupro ad talem mensuram quod quatuor de prædicto [] numero faciant unam Meillairolam, et cum illis 24. mensuris de cupro debeat mensurari omne vinum quod vendetur in Massilia en gros, et non debeat mensurari cum Meillairola, vel cum aliis mensuris, nisi illæ Meillairolæ per ipsos ementem et vendentem, vel alios pro eis eorum consensu, essent approbatæ et coæquatæ cum prædictis mensuris de cupro, taliter quod dicta Meillairola faceret quatuor de dictis mensuris cupri.
Ibid. cap. 52 :
Meillairola vini et olei.
Adde cap. 56. ejusdem lib. Massiliensis Meilarola 60. mensuras, vulgo pots, continet, quarum singula duas libras et 12. uncias appendit : ubi observandum 16. uncias Massilienses valere tantum 14. uncias Parisienses. Meilarolam ut plurimum divisam in duobus vasis appensis ad latera equus deferre solet ; unde tantumdem valet ac saumata seu onus qui sagmarii. Aquensis meilarola 48. mensuras supradictas capit ; sed Aquensis mensura major est Massiliensi.
les Bénédictins de St. Maur, 1733–1736.
Meilleirola, in Charta ann. 1564. e Tabul. Eccles. Cathed. Massil. :
Item pro distributione vini pro 15. canonicis sunt in summa pro anno 345. Meilleirolæ. Item pro distributione vini decem clericorum sunt in summa pro anno 230. Meilleirolæ. Item pro vino refectorii pro anno 140. Meilleirolæ. Summa dicti vini est 715. Meilleirolarum, quæ valent in summa ad rationem 8. sol. pro qualibet Meillerola 186. libræ regales.
les Bénédictins de St. Maur, 1733–1736.
Millairola, in Charta ann. 1336. ex Tabular. S. Vict. Massil. :
xxxvi. Millairolas boni vini et puri.
les Bénédictins de St. Maur, 1733–1736.
Millarola. Charta ann. 1216. in Archivis Massil. :
In Millarolis vini et olei, etc.
les Bénédictins de St. Maur, 1733–1736.
Millayrola. Informationes pro passagio transmarino ex Cod. MS. Sangerm. :
Item de vino duas Millayrolas pro qualibet persona... Item aquam pro equis mm. cccc. Millayrolas.
les Bénédictins de St. Maur, 1733–1736.
Millerola. Charta ann. 1243. ex Archivis Communiæ Massil. :
Tres solidos de Millerola vini.
© École des chartes.