MEISTRALES, dici videntur inter artifices præcipui qui aliis præsunt, in Statutis Montis Regal. pag. 48 :

Et non possint officiales Meistrales seu textores vel textrices et similes personæ de dictis villis compelli per curiam civitatis prædictæ ad veniendum jurare eorum officia in dicta civitate, nec etiam possit notarius curiæ dictæ civitatis facere inquisitionem contra prædictos Meistrales vel officiales, etc.

Ibid. pag. 268 :

Et præsens capitulum teneantur omnes ferrarii jurare, quando alii Meistrales jurabunt, attendere et observare.

Occurrit ibi pluries.