MEMBRANUM, Glossarium mediae et infimae latinitatis, Du Cange et al.

« Membranum » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 334c. http://ducange.enc.sorbonne.fr/MEMBRANUM

MEMBRANUM, Membrana, charta, in Lege Longob. lib. 1. tit. 29. § 1. Roth. 247. Suidas :

Περγαμηναὶ, αἱ μεμϐράναι, αἱ δέῤῥεις.

Charta Arechis Ducis Longob. apud Ughellum in Arch. Benevent. :

Per suum Membranum firmitatis et absolutionis, etc.

Mox :

Juxta Membranum ipsius Episcopi.

Adde pag. 617. 636. et Vitam S. Theodardi apud Catellum pag. 757. Vide Salmasium in Hist. Aug. pag. 447. et Glossar. med. Græcit. col. 902.

Membranum Purpureum, quod inficitur colore purpureo, in quo aurum et argentum liquescens patescat in literis, Isidoro lib. 6. Orig. cap. 11. Hieronymus in Præfat. in Job :

Habeant qui volunt veteres libros, vel in Membranis purpureis auro argentoque inscriptos, etc.

Idem Epist. :

Inficiuntur Membranæ colore purpureo, aurum liquescit in literas, gemmis codices vestiuntur, etc.

Theonas Episcopus :

Veteres item codices pro indigentia resarciri procuret, ornetque non tantum ad superstitiosos sumptus, quantum ad utile ornamentum, itaque scribi in purpureis membranis, et literis aureis totos codices, nisi specialiter Princeps demandaverit, omnia tamen Cæsari grata*, maxima cum obedientia prosequetur.

Edius Stephanus in Vita S. Wilfridi cap. 16 :

Quatuor Evangelia de auro purissimo in Membranis de purpuratis coloratis pro animæ suæ remedio scribere jussit.

Ubi forte legendum de purpura. Chron. Fontanellense cap. 16 :

Quatuor Evangelia in Membrano purpureo ex auro scribere jussit Romana litera... Lectionarium etiam in Membrano purpureo argenteis scriptum literis ornatumque tabulis eburneis.