MENSURATICUM, Quod pro mensura exigitur. Libertates Regni Majoricarum editæ a Jacobo Rege Aragon. ann. 1248 :

Sitis franci et liberi ab omni lesda, pedatico, Mensuratico, et penso, et ribatico, et ab omni questa, tolta, forcia, etc.

Mox :

Intelligentes quod homines insulæ Majoricæ extra civitatem habitantes Mensuraticum et pensum solvere consueverunt.

Alibi, de bladi venditione :

Soluto nobis et nostris jure nostro seu mensuratico consueto.

Occurrit etiam in Curia Generali Catalaniæ ann. 1320. MS. in Charta Petri II. Regis Arag. ann. 1283. pro libertatib. Catalaniæ, et in Bulla Honorii III. PP. pro Ecclesia Senogalliensi, apud Ughellum tom. 2. pag. 959. etc. Jus mensuraturæ, dicitur Andreæ de Ysernio in Comment. utriusque juris. Vide Gloss. med. Græcit. in Μετρητιϰόν.