MERCARE, pro Marcare, notare, signare ; Mercher, apud Joinvil. in S. Ludov. edit. Cangianæ pag. 120. Merchier, in Stat. ann. 1370. tom. 5. Ordinat. reg. Franc. pag. 358. art. 14. A Gallico Merche, pro Marque, signum, in Lit. remiss. ann. 1455. ex Reg. 191. Chartoph. reg. ch. 153. Merc, in Charta commun. Rotomag. ann. 1204. ex Reg. 34. bis part. 1. fol. 34. r°. col. 2 :

Latro vel falsonarius... ponetur in pilorio, ut eum omnes videant atque cognoscant ; et si debet habere Merc, fiet ei.

Male editum Mere, tom. 5. Ordinat. pag. 673. art. 9. Constit. Mss. Caroli reg. Sicil. :

Sed si potius voluerit fustigari, quam solvere pœnam prædictam, fustigetur et Mercetur merco curiæ in fronte.

Aliis notionibus in Mercatum.