« »
 
[]« Messuagium » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 366a. http://ducange.enc.sorbonne.fr/MESSUAGIUM
MESSUAGIUM, Mesuagium, Domus habitationi idonea, Cowello. Index MS. Benefic. Eccl. et diœc. Constantiens. fol. 45 :
Rector habet manerium in elemosina ecclesie pertinenti que continet tam in Mesuagio quam extra sex jugera, et debentur dicto rectori quinque solidi Turon. Madox
in Formul. Anglic. :
Prior domus salutationis Matris Dei Ord. Cartus. prope London tenet unum Mesuagium cum shopis et domibus eidem Mesuagio annexis.
Consuetudo Normanniæ art. 271 :
Manoirs masures logées aux champs, que la Coustume appelloit anciennement Mesuage.
Sic enim legendum pro Mesnage, ut habent Editiones, licet etiam ita præferat vetus Consuet. cap. 23. ut et art. 1. Consuet. Bellimontis-Rogerii. Haud scio tamen an aliquid immutandum non sit ; occurrit quippe Menagium et Mesnagium eadem notione qua Messuagium.[] Vox formata ex Gallico Més, id est Mansus.
◊ Ut plurimum tamen Messuagium sumitur pro modo agri mansionibus et ædificiis rusticis instructo, scilicet, hortis, areis, stabulis, et hujusmodi, vel certe eo quem vulgo Masure, seu mansuram dicimus, vel etiam quem mansum olim appellabant. Th. Blount in Nomolex. :
Messuagium, est honestius habitaculum cum aliquo fundo adjacente, in ejusdem usum deputato.
Charta Wolstani Vigorniensis Episcopi :
In quo prædicto manso seu Messuagio... ædificia competenter construi faciant, etc.
Ita passim usurpant Chartæ descriptæ in Monast. Angl. tom. 1. pag. 95. 96. 280. 302. 799. tom. 2. pag. 22. 24. 40. 116. 265. 472. tom. 3. pag. 141. etc. Adde Will. Thorn pag. 1878. 2012. 2034.
Messuagium Capitale, Practicis nostris, le Chef-manoir, quod primogenito competit. Regiam Majestatem lib. 2. cap. 27. § 4 :
Salvo tamen capitali Messuagio primogenito suo pro dignitate primogenituræ.
Charta Henrici III. Regis Angl. apud Matth. Paris ann. 1240 :
Cum primogenita nihil petere possit plus quam minor, nisi capitale Messuagium ratione eilnesciæ.
Vetus Consuetudo Normanniæ cap. 26 :
Es Mesuages ne peuent rien reclamer les seurs, se il n'y a plus de Mesuages que de freres.
Ubi Edit. Mesnage.
Capitale autem Messuagium dari non potest nec dividi, sed integrum remanet hæredi
, in Regiam Majest. lib. 2. cap. 16. § 62. 63. ubi tamen Messuagium prorsus aliud esse a Manerio innuitur, et Messuagium esse mansio præcipua manerii dicitur. Vide Monast. Anglic. tom. 2. pag. 141. 196.
© École des chartes.