MESTIVA, Glossarium mediae et infimae latinitatis, Du Cange et al.

MESTIVA, Præstatio ex frumento, quod in agris colligitur et metitur. Charta Ludovici VII. Regis Franc. pro Monasterio Sandionysiano :

Tallia de annona, quæ dicitur Mestiva.

Tabularium S. Cypriani Pictavensis fol. 104 :

Hugo Liziniacensis dominus dimisit quandam inconvenientem consuetudinem, quam videlicet ministri ejus de Cohet sub appellatione Mestivæ in villa S. Mariæ Castri-Arardi, quæ vocatur Rals, videlicet 4. sextar. annonæ annis singulis, ut nunquam amplius requireretur ab ullo homine.

Charta Alienoræ Ducissæ Aquitan. ann. 1199 :

Immunem reddidimus villam de Volliaco, tallia, Mestiva, distractione hominum terræ in expeditionibus Comitis, etc.

Alia Henrici I. Regis Angliæ pro peagio Pontis Cæsaris, seu de Pont de Cé :

Pro Mestiva apud Thoarcium, unum sextarium frumenti, Mestiva alicujus messoris non reddet nisi obolum.

Magnum Pastorale Eccles. Paris. lib. 2 :

Cum litigium esset super Mestiva masuræ, etc.

Charta Ludovici Reg. pro Bituricensib. ann. 1145 :

Præterea Præpositus aut Vigerii Mestivas et hospitia capere consueverunt in septena.

Consuetudines oppidi de Boisdecene in Pictonibus, quæ habentur in Charta Mauricii de Bellavilla

Dom. de Ganasche, ann. 1265 :

Domini ipsius terræ debent percipere in ipsa frumentagium, quam Mestivam feodalem vocant, et domos hominum debent quærere illam Mestivam : ipse vero qui reddere contempserit, cum gagio de 7. solidis reddet. Senescallus autem Ganapiæ et Senescallus de Machecolio ibunt quærere Mestivam per terram illam sine menaciis, et Vigerii feodales ibunt postea similiter sine menaciis quærere.

Consuetudines Andegavenses emendatæ in Assisiis Andegavens. ann. 1391. ex Regesto Ludovici Regis Siciliæ f. 21. in Camera Computor. Parisiens. :

Sergens ne soient si hardis doresnavant de prendre, avoir, ne lever sur le peuple aucune Mestive de bled, ne vins, sur peine de privation de leurs Offices.

Regestum Censuum Carnotensis Comitatus :

Les Coustumes des portes de Chartres appartiennent à la Prevosté, quand elle est vendue ; c'est à sçavoir le Deaublage, le Tonli, et le Buschage, et les Mestives de Beausse, més le Prevoust poie lors le past aus Meres, qui doivent avoir chacun an à diner le jour que les Mestives sont assises.

Adde Concilium Burdegalense ann. 1255. cap. 25. ubi perperam vir doctus festivas emendat pro Mestivas, et varias Chartas apud Thomasserium in Consuetud. localib. Bituricens. pag. 62. 85.

les Bénédictins de St. Maur, 1733–1736.

◊ Qua ratione vero ejusmodi præstatio colligebatur, docet laudata Ludovic. Junioris Regis Franc. Charta ann. 1145. tom. 1. Ordinat. Reg. pag. 10 :

De bobus autem, in quibus Mastivas accipimus, statutum ab ipso est, ut quicumque bovem, post festum S. Michaelis acceperit, usque in sequentes messes, Mestivam nullatenus reddat.

Et Charta ann. 1226. ex Tabulario S. Juniani Nobiliac. :

Ab hominibus nostris de Ferrabon petebat Mestivam videlicet duas quartas siliginis ab illo qui duos habebat boves, et unam quartam ab illo qui duos habebat asinos, et unum boisellum ab illo qui non habebat nec bovem nec asinum, et tortellum a quolibet sive denarium pro tortello.

Mestivare, Mestivam colligere, percipere. Charta Petri Episc. Inculismensis ann. 1160 : ex Tabul. S. Eparchii fol. 11 :

Mestiva vero, super qua quæstio orta fuerat, soli Sacerdoti concessimus. Si tamen Monachus Mestivare voluerit, parochianos suos Sacerdos diligenter admoneat, ne monacho de segetibus suis donet.

Charta ann. 1247. in Tabular. Portus-regii :

Nobilis domina Maria de S. Scubiculo recognovit quod ipsa tenetur ponere singulis annis mestivarios ad Mestivandum decimam de S. Scubiculo, in quam dicebant moniales de Portu-regio se habere partem suam cum aliis duobus, ita scilicet tempestive, quod prædicti mestivarii, quam cito garbæ dictæ decimæ ad granchiam adducantur, dictas garbas teneantur intassare et decimam triturare de die in diem.

P. Carpentier, 1766.

◊ Nostris Mestiver, pro Moissonner, metere. Lit. remiss. ann. 1455. in Reg. 187. Chartoph. reg. ch. 101 :

Le suppliant mena sa vache en ung champ où il Mestivoit, et y avoit blé en javelle, etc.

Vide supra Messonare.

Mestivagium, Jus mestivam percipiendi. Charta ann. 1323. in Regesto Andegav. fol. 17 :

Donne et octroie... mon herbergement de la Bocherie... et ma Seigneurie, et mon Mestivage appartenant audit usage, et à ladite Seigneurie.

les Bénédictins de St. Maur, 1733–1736.

Mestivans, Idem quod Mestiva, in Charta Ludovici VIII. ann. 1224. tom. 1. Ordinat. Reg. Fr. pag. 49 :

Mestivantem nullatenus reddat.

Rectius supra in Litt. ann. 1145. Mestivam.

les Bénédictins de St. Maur, 1733–1736.

Mestivia, Eadem notione. Tabularium S. Cypriani Pictav. fol. 53 :

Dimiserunt omnes consuetudines et Mestivias, et in pascuis et in silvis defensum Maii et Junii, et missiones porcorum suorum, etc.

les Bénédictins de St. Maur, 1733–1736.

Mestiva, pro ea anni tempestate qua fruges metuntur. Charta ann. 1366 :

Item volumus et concedimus quod dictus aquarius ponat et teneat duos porcos in area Abbatiæ tempore Mestivarum anno quolibet nutriendos de siliquis et residuis areæ prælibatæ.

P. Carpentier, 1766.

◊ Nostris Mestive et Mettive, eadem acceptione. Lit. remiss. ann. 1422. in Reg. 172. Chartoph. reg. ch. 115 :

En la saison des moissons ou Mestives, etc.

Aliæ ann. 1451. in Reg. 185. ch. 152 :

Le suppliant dist qu'il avoit prins lesdiz advoine et froument pour en rendre autant de nouveaulx après Mettives.

les Bénédictins de St. Maur, 1733–1736.

Mestivaria, Fructus ex mestiva collecti. Charta ann. 1208. ex Tabular. S. Vincentii Cenoman. :

In Mestivariis habebunt monachi medietatem unam, alia medietate ad personam ecclesiæ remanente.

Mestivi, Messores, Gall. Mestiviers. Charta Hugonis Archiep. Dom. de Partenai, ann. 1169. ex Tabul. Absiensi fol. 26 :

Dono iterum et concedo illis cosdumas de mestivis servientium, et de mestivis Mestivorum Abbatiæ, et grangiarum ejus quæ sunt in terra mea, ut ipsi Mestivi et servientes possint libere mestivas suas transferre ubicunque voluerint.

Le Roman de Huon de Mery MS. :

Se ay trouvé aucun espi

Aprés la main as Mestiviers,

Je l'ai glané moult volentiers.

Mestivarius. Charta ann. 1206. in Tabulario Ecclesiæ Carnotensis n. 90. et 80 :

Quinque Mestivarios, ordeacum, fabacenam, pisaceum veciacum, lentiacum, paleas avenæ, minuta stramina, partem suam fimi, et quidquid juris solebat in granica nostra de Chanseri.

Alia ann. 1211. ibid. n. 180 :

Et quidquid in earumdem villarum territoriis habebat, et granicis in nostra præsentia comparavit, videlicet jus mittendi in granicis messium excussores, viciacum, fabiacum, ordeiacum, investitiones, submonitiones hominum, bonnagia, et districta, et quidquid in illis locis et granicis possidebat, etc.

Alia ann. 1216. num. 184 :

Sex Mestivarios quos habebant in granchia nostra de Nongento, etc.

Adde num. 181. 182.