« »
 
[]« Metropolitanus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 372b. http://ducange.enc.sorbonne.fr/METROPOLITANUS
METROPOLITANUS, Archiepiscopus, sic dictus, inquit Rhabanus lib. 1. de Instit. Cleric. cap. 5 :
Eo quod præsideat illi civitati, quæ ceteris civitatibus in eadem provincia constitutis quodammodo mater sit.
Metropolitanus, c'est Sires ou Arcevesques de cieule ville, in Gloss. Lat. Gall. Sangerm. Vide Leonem IX. PP. Epist. 4. Vide Glossar. med. Græcit. col. 931. voce Μητροπολίτης.
P. Carpentier, 1766.
◊ Et quidem ita vulgo accipitur : at nihilominus nonnumquam occurrit pro Episcopo, abbate, seu illo, qui aliis præfectus est. Acta S. Emygdii tom. 2. Aug. pag. 36. col. 1 :
Passus est autem beatus Mygdius, civitatis Asculanæ Metropolitanus episcopus et martyr.
Porro notum est, ut monent docti Editores post Schelstratium et Carolum a S. Paulo, iis ecclesiæ sæculis duos tantum in Italia fuisse metropolitanos, Romanum nempe et Mediolanensem. Charta societatis initæ inter canon. eccl. Turon. et monach. Major. monast. in Append. ad tom. 6. Annal. Bened. pag. 640. col. 1 :
Hujus ergo pacis tuendæ, tam necessario tenendæ, tranquillitas aliquando turbata est inter nos monachos Majoris monasterii et canonicos S. Mauritii Turonensis, una cum Metropolitano suo et nostro.
Metropolitanæ Literæ, quæ a Metropolitano Clericis dantur. Hincmar. Remens. Opusc. 17 :
Multotiens etiam et per literas Metropolitanas, et ex Apostolicæ Sedis auctoritate minas ei inculcare curavi.
les Bénédictins de St. Maur, 1733–1736.
Metropoliticus, Ad Metropolitanum spectans. Charta ann. 1401. apud Rymer. tom. 8. pag. 209 :
Porro crucem... per provincias et Episcopatus, tibi Metropolitico[] et Primatiæ jure subjectos... ante te deferendi licentiam impartimur.
© École des chartes.