« »
 
[]« Micrologus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 375c. http://ducange.enc.sorbonne.fr/MICROLOGUS
MICROLOGUS, Lex. Gr. Lat. MS. Reg. : Μιϰρολόγος, ὁ φειδολός. In Gloss. Lat. Gr. : Scrupulosus. Jo. de Janua : Micrologus, qui breviter loquitur, vel qui magnam rem narrare cupiens, quasi parvam despiciendo narrat : nude hoc Micrologium, breviloquium. S. Columbanus Epist. 4 :
Minimus maximo, agrestis urbano, Micrologus eloquentissimo, etc.
Idem Epist. 5 :
Licet enim mihi nimirum (f. nimium) Micrologo, etc.
Jonas in Vita S. Eustasii Abbatis num. 12 :
Comperendinanti, Microloga et frivola cavillanti, Eustasius.... respondit.
Micrologus, Liber in epitomæ speciem. Abrégé. Domnizo lib. 1. de Vita Mathild. cap. 5 : []
Musica seu cantus illum laudare Tedaldum
Non cessant : semper renovantur eo faciente.
Micrologum librum sibi dictat Guido peritus
Musicus, et Monachus, nec non Eremita beandus.
Vita S. Theofredi Abbatis cap. 10 :
Denique quodam tempore familiari semotus obsequio, Micrologum cudens de lapsu mundi, senario determinat eum sermone rythmico.
Vita Caroli M. scripta jussu Friderici I. Imper. in Præfat. :
Egregia vero ipsius beati Karoli gesta, et triumphalem bellorum ejus historiam aliis relinquimus, quæ in catalogo virorum fortium, et in Chronicis ejusdem multifariam reperitur, cujus et nos officiosa sedulitate Micrologum conscripsimus.
Ita porro etiam proprie appellant librum de Ritibus Ecclesiasticis editum cum aliis similibus, cujus auctor vixisse dicitur sub finem sæculi undecimi, ut est apud Cardin. Bona lib. 2. Rerum Liturg. cap. 20. art. 4. Alii sub Friderico I. Imp. scripsisse volunt. Acta Murensis Monasterii pag. 31 :
Item liber Miraculorum, et in ipso Romanus Ordo qui vocatur Micrologus.
© École des chartes.