« »
 
[]« Millio » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 389b. http://ducange.enc.sorbonne.fr/MILLIO
MILLIO, nostris Million. Charta ann. 1514. apud Rymer. tom. 13. pag. 409 :
Pro dicta solutione dictæ summæ unius Millionis, sive decem centum millium scutorum auri de sole, etc.
Occurrit in Chron. Andr. Danduli apud Murator. tom. 12. col. 479. 521. etc. Vide Moneta.
les Bénédictins de St. Maur, 1733–1736.
Millio, Incerta mihi notione, si bene scriptum, est in Chron. Erfordiensi ad ann. 1250. apud Schannat. in Vindem. Litter. pag. 104 :
Sic itaque reddita Damiata Rex (Ludovicus IX.) centum millibus Millionum suam redemit captivitatem.
Certe non idem quod Gallis nostris Million dicitur, scilicet decies [] centena millia librarum ; cum ex Joinvilla, cui fidem habendam existimo, constet Ludovicum Regem pro sua, vel suorum libertate recuperanda octingenta tantum millia Besantiorum aureorum Sarracenis solvisse, quod ad monetam hodiernam reductum, computatur a D. le Blanc pro 3879309. lib. 7. fol. 6. den. Verum ibi legendum puto centum milibus marcarum. Vide Dissert. D. Cangii in Joinvillam.
© École des chartes.