1. MINUARE, Minuere, diminuere. Præceptum Childeberti Regis ann. 528. apud Marten. tom. 1. Ampliss. Collect. col. 4 :

Aut aliquid de rebus aut de terminis Minuare cogitetis, aut in aliquo molesti esse velitis.

Testam. ann. circ. 690. apud Felibian. Hist. S. Dionys. pag. xi :

Et si quis contra hanc deliberationem ut Sanctis basileces dilegavi infrangere, tollere, Minuare.... præsumpserit.

Charta S. Willelmi Ducis ann. circ. 812. sæc. 4. Bened. part. 1. pag. 90 :

Quia nos Deo juvante per istam donationem speramus aliquid de nostra Minuari peccata.

Chrodegangus Metensis Episc. in Regula Canon. cap. 9. Edit. novæ cap. 9. 24 :

Vasa ministerii sui.... sana et munda cellario reconsignet, et si aliquid ex illis Minuatum fuerit, ad Capitulum die Sabbati veniam petat.

Lex Longob. lib. 1. tit. 21. § 5. Rothar. 333.

Dominus qui suum animal intricatum invenerit, aut forsitan jam marcidum aut Minuatum, etc

. Adde Marculfi Formulas 2. lib. 1. et. 5. lib. 2. et alias.