2. MISCERE, Sese immiscere. Gregor. M. lib. 7. Ind. 1. Epist. 1 :

Et juravit de omnibus quæ adversus eum dicta de mulieribus, vel ex schismate simoniaco fuerant, Mixtum se non esse, i.

quod de hisce rebus se non immiscuerat. Gregor. Turon. lib. 6. cap. 11 :

Clerici autem qui sceleri huic Mixti fuerant, etc.

Lib. 7. cap. 23 :

Loquebantur tunc multi hominum Medardum Tribunum in hoc scelere Mixtum fuisse.

Edictum Rotharis Regis Longob. tit. 59. § 3. 166. :

Purificet se maritus cum sacramentalibus suis legitimis, quod Mixtus in mortem mulieris non sit.