MISTICO, Mysticus, Μυστιϰός, Secretorum Principis conscius, Auricularius, dignitas Palatina apud Byzantinos. Will. Tyr. lib. 15. cap. 23. de Manuele Imp. CP. :

Ubi fratrem natu se priorem palatium, audita patris morte, jam obtinentem, per Misticonem suum, qui palatio et thesauris præerat universis........ ex improviso captum in vincula conjecit. Μυστιϰός

inter præcipuas et illustriores Aulæ CPolitanæ dignitates recensetur a Constantino de Administrando Imperio cap. 51. et Codino de Offic. Aulæ CP. Mysticos aliquot habent Scriptores Byzantini, Anonymus in Lacapeno n. 15. 17. in Porphyrog. n. 10. 14. Niceph. Gregoras lib. 8. pag. 206. Joannes Cantacuzenus lib. 3. cap. 36. et 89. Joan. Tzetzes in Ep. pag. 268. et alii quos laudat Meursius. Tzetzes, loco citato, Mysticum Servilium compellans, ὀφθαλμὸς γηρουσίας, ὑπεροχὴ τῆς ἀρχῆς, μυστηρίωτις βουλή. Vide Glossar. mediæ Græcit.