« »
 
[]« Mitana » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 425b. http://ducange.enc.sorbonne.fr/MITANA
MITANA, Mitanna, Lanea, vel pellicea chirotheca, Gallis Mitaine. Institutiones Capituli Cisterciensis, distinct. 5. [] cap. 7 :
Pueri euntes assidue cum personis ordinis non deferant cutellos acuminatos, vel vestes varias, nec serta in capitibus, nec chirothecas in manibus, sed Mitanas. Mitanæ de panno,
in distinct. 13. cap. 11. Statuta Ord. Grandimont. apud Marten. tom. 4. Anecd. col. 1234 :
Mitanas vero laneas eis non prohibemus.
Statuta Ordinis S. Gilberti de Sempringham pag. 720 :
Cyrothecarum et Mitannarum omnis superfluitas... caveatur.
Guigo II. Prior Cartusiæ in Statutis ejusdem Ordinis cap. 57. § 1 :
Mantellum caputium, Mitanas laneas unas, lumbaria duo, etc.
P. Carpentier, 1766.
◊ Lit. remiss. ann. 1356. in Reg. 85. Chartoph. reg. ch. 83 :
Prædictus Nigasius... percussit dictum Richardum... in mentone de extremitate digitorum manus suæ, tunc indutæ de quadam Mitana drappellorum. Mitanæ
præbebantur magistris Computorum, ut legitur inter eorumdem vadia in Reg. ejusd. Cam. sign. Croix fol. 126. v°. :
Quilibet magistrorum percipit per manum argentarii quasdam Mitaines de panno et quasdam cirothecas de cervo.
© École des chartes.