« »
 
[]« Montagium » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 512b. http://ducange.enc.sorbonne.fr/MONTAGIUM
MONTAGIUM, Montatio, Tributum, quod a navigiis, quæ in fluviis adversa aqua remigant, exigitur, Gallis Montage. Charta Matthæi Dom. Montismorenciaci ann. 1200 :
Et ego propter illa nemora 12. libras Ecclesiæ B. Dionysii annuatim ipsi reddendas in Montagio meo aquæ Secanæ assignavi.
Infra :
De primis redditibus Montagii aquæ, etc.
Montatio, Eadem notione. Charta Raimundi Comitis Tolos. pro Aicardo Archiep. Arelat. In Tabul. Eccl. Arelat. :
Et de lezda navigiorum et navium, quæ Montatio vocatur, quam Bertrannus Comes habet apud Arelatem.
In eod. Tabular. fol, 16. est alia Charta cum tit. de Montatione navium, ann. 1140 :
Conquerebatur de eo, quod de Montatione salarum navium, quæ cum sale ascendebant, debitum censum sibi persolvere nollent.
Ibidem apud Sammarthanos :
Quartam partem de pascuis, lesdis, et Montationibus.
Adde Catellum in Comitib. Tolosanis pag. 49. Chronol. Episc. Lodovens. pag. 96. Annales Massilienses Guesnaii pag. 350.
© École des chartes.