MORBIDUS, Pretium acquisitionis factæ ab hominibus manus mortuæ, seu monasteriis aut collegiis religiosis. Charta Alf. reg. Castel. æra 1260. tom. 6. Jul. pag. 56. col. 1 :

Quod nullus homo de Toleto, sive vir sive mulier, possit dare vel vendere hæreditatem suam alicui ordini, excepto, si voluerit eam dare vel vendere sanctæ Mariæ de Toleto, quia est sedes civitatis ;.... et ordo, qui eam acceperit datam vel venditam, amittat eam ; et qui eam vendiderit, amittat Morbidos, et habeant eos consanguinei sui propinquiores.

Forte pro Marabotinos.