MORECA, Morbi genus. Academ. della Crusca, Morice in plurali dicitur hæmorrhoidum morbus, ex copia sanguinis ad venas secretarum partium concurrentis. Acta SS. tom. 7. Maii pag. 159 :

Monachus quidam... infirmitatem quæ a medicis malum Moreca vocatur, incurrit, et nec quiescere poterat nec dormire.

Hinc emendanda videntur Miracula MSS. Urbani V. PP. ex Tabular. S. Victoris Massil. :

Patiebatur dolorem gravissimum de Morenis circa posteriora.

Ubi legendum de Morecis. Nihil emendandum, nam Provincialibus Mourano est Hæmorrhois. Morene, eadem notione, apud Cotgravium.