MOUSTURANGIA, Mouturangia, Variæ molituræ miscellum frumentum, seu bladum, quod a molitoribus ex frumento, quod ad molendinum defertur, pensitatur : ex Gallico, Mousture, Mousturage, in Charta ann. 1365. apud Duchesnium in Hist. des Chasteigners pag. 41. Diction. Occitan. :

Carrou, Modure, meslange de froment et d'orge.

Charta ann. 1240. ex Tabulario Fossatensi f. 159 :

Concesserunt mihi et hæredibus meis 16. sextarios Mouturengiæ competentis, etc.

Alibi :

Molendinum dicti loci valet quolibet anno 6. modios Multurangiæ ad mensuram dicti loci.

Rursum :

Molendina ... valent annuatim 13. modios bladi, videlicet 4. modios frumenti, et 10. modios Multurangiæ.

Charta ann. 1248. in Magno Pastorali Ecclesiæ Paris. lib. 9. Ch. 43 :

Decem sextarios tam frumenti, quam Mousturangiæ annui redditus, quos percipiebant annuatim in molendino Capituli, etc.

Occurrit et in Ch. 51. lib. 11. Ch. 5. lib. 23. Ch. 97. Charta ann. 1264. in Tabular. Sangerm. :

Decem Sextarios et plenam minam bladi videlicet Mousturagiæ... Alios... redditus bladi seu Mousturangiæ in quibus dictum molendinum dicitur oneratum.

Alia Gaufridi Episcopi Meldensis ann. 1211. in Tabular. Campan. :

Et in molendino de Stagno... diximus Comitissam... debere eis reddere singulis annis tres modios Mouturengiæ in perpetuum in festo S. Martini hiemalis ad mensuram Nongenti, etc.

Alia in Hist. Monmorenciaca cap. 36 :

Habent etiam prædicti Fratres in Molendino de Stagno sex annonæ modios, tres de Mousturenge, et tres de mesteil. Mosturangia,

in Necrologio Eccles. Paris. Kalend. Martii.