![[]](img/image.png)
2. MOVERE, Dependere, Gall. Mouvoir. De feodis dicitur quæ certis servitiis sunt
obnoxia, et ab alio dependent. Charta ann. 1244. in Tabular. Meldensi :
Concessit ecclesiæ Cameræfontis sex arpenta terræ et dimidium quæ Movebant de terra ipsius.Charta Bernardi de Turre ann. 1308. apud Baluz. tom. 2. Hist. Arvern. pag. 782 :
Item, dominus potest retinere rem quæ movet de censiva seu feudo ipsius venditam infra viginti dies et non ultra.Alia ann. 1341. apud Lobinell. tom. 2. Hist. Britan. pag. 486 :
Cum feuda Moventia aliqua castellania et immediate resortantia ad eam judicentur et terminentur secundum usum et consuetudinem loci unde Movent.Adde Rymer. tom. 13. pag. 748.