MULCEBRIS. Joan. Sarisb. lib. 1. Policrat. cap. ult. :

Duæ sunt, inquit ille, ut opinor, virtutes ignis ; altera edax et peremptoria ; altera Mulcebris et innoxia lumine.

Id est, quæ demulcet, fovet. Epist. Johan. Troester apud R. Duellium lib. 1. Miscell. pag. 242 :

Amor est mixtus cum ratione furor, naufragium dulce,... moriens vita, Mulcebris tartarus, triste cœlum, amœnus carcer.

Bulla Bonifacii VIII. PP. ad Reg. Angl. de abdicatione Celestini V. et sua electione, apud Rymer. tom. 2. pag. 669 :

Eam (ecclesiam) de amissione prioris interdum inutilis, per promotionem Mulcebrem accommodi successoris instaurans.