MUNDATORIUS, Advocatus monasterii, a Saxon. Mund, Protectio, tutela, defensio, sic dictus, quod monasterii jura defendat ac tueatur. Præceptum Pipini Reg. Aquitan. in Tabulario S. Florentii :

Si in immunitate monasterii de Glonna reus repertus fuerit vel dictus, a nemine distringatur, nisi a loci Mundatorio, nisi forte exinde ipsius latronis fuerit ejectio.

Nec cuiquam mirum esse debet quod Advocatus judicis partes hic agat, eos quippe jus dixisse, intra jurisdictionem ecclesiarum, quarum Advocati erant, certum est. Vide Advocati.