2. MURA, Mansio, domus, vel quod lapidibus exstructa, vel quod muro cincta, sic dicta videtur. Acta capitul. MSS. eccl. Lugdun. ad ann. 1347. fol. 136. r°. col. 2 :

Petrus Bourdas (tenet) quandam Muram, sitam ibidem, sub servitio unius bichoni avenæ... Petrus Servos quandam Muram sub servitio unius bichoni avenæ.

Lit. remiss. ann. 1376. in Reg. 108. Chartoph. reg. ch. 335 :

Item quod dictus Girinus... venit... ad quandam Muram, sitam juxta Muram Johannis Chanezon ;... quæ quidem Mura de præsenti vacat,... lapidesque dictæ Muræ ad bonos suos ad domum suam charreyare fecit.

Terrear. Bellijoc. fol. 8. v°. :

Item octo denarios Viennensis monetæ... in, pro et super quibusdam terra et Mura simul contiguis.

Ibid. fol. 351. r°. :

Pro et super quadam area nova cum curte, olim Mura, et curtili simul contiguis... Super quibusdam stabulis, olim Muris et orto, etc.

Terrear. S. Maurit. in Foresio ann. 1474 :

In sua terra, in qua solebat esse Mura et ortum, etc.