« »
 
[]« Murenæ » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 552a. http://ducange.enc.sorbonne.fr/MURENAE
MURENÆ, Murenulæ, Mulierum ornamenta aurea, quibus metallo in virgulas lentescente, quadam ordinis flexuosi catena collum cingebatur, ut scribit D. Hieronymus Epist. 15. et ex eo Isidorus lib. 19. Orig. cap. 31. Gillebertus Episcop. London. in cap. 1. Cantici Canticor. n. 10 :
Murena piscis est, sed proceritate decorus, colorisque varietate conspicuus : unde dicuntur Murenulæ catenæ ex auro fabrefactæ, quæ collo circumdatæ protenduntur in longum, et annexæ monili hoc immobiliter fasciæ pectorali restringunt.
Chron. Romualdi II. Archiep. Salern. apud Murator. tom. 7. col. 62 :
Instrumenta regii cultus in foro Trajani distrahi jussit, vasa aurea, pocula cristallina, et Murenam uxoream, ac suam, aureas et sericas vestes, et multa ornamenta gemmarum.
Unde et murenam virorum perinde ac mulierum ornamentum fuisse patet. Papias : Murænulæ, cathenæ latæ et spissæ, de auro mire factæ, quæ capite defluentes ad cervicem[] ornandam aptantur. Hæ auri et argenti texuntur virgulis, dictæ a Murena quæ capta vertit se in circulum. Auctor Mamotrecti :
Murenula, est catena in ornatum colli, ex virgulis auri et argenti, et contexta in similitudinem Murenæ piscis.
Leges Angliorum tit. 6. § 6 :
Murenas, nuscas, monilia, inaures.
Willeramus Abbas in Cantica Canticor. :
Auri Murenas argento vermiculatas
Nos tibi nectemus.
Murenulæ. Moses lib. 4. cap. 31 :
Periscelides, et armillas, et annulos, et dextralia, et Murenulas.
S. Hieronym. Epist. 15. ad Marcellam :
Aurum colli sui, quod quidem Murenulam vulgus vocat, quod scilicet metallo in virgulas lentescente, quadam ordinis flexuosi catena contexitur, absque parentibus vendidit.
Idem Hieronym. in cap. 3. Isaiæ :
Et Murenulas, quæ auri atque argenti texuntur virgulis.
Gregor. M. in Cantica Cantic. cap. 2 :
Murenulis monilia collo ligantur.
Gregorius Turonens. de Gloria Confess. cap. 33 :
Annulos Murenulasque aureas.
Willel. Tyr. lib. 18. cap. 31 :
Murenulæ, inaures, periscelidæ, etc.
Ubi vetus Interpres Gallicus murenulas, Mousches fermaux vertit.
Murenas et murenulas aureas
inter Basilicarum ornamenta non recenset Anastas. in Leone III. et Greg. IV :
Murenulas prasinales pretiosissimas duas.
Item :
Murenam trifilem auream, quæ habet buticulas 33.
Item,
Murenam in qua pendent gemmæ hyacinthinæ 13.
Item :
Murenam filatam.
Item :
Murenas tres, omnes morenas cum pettinante eorum.
Erant, inquit Bulengerus, monilia oblonga munerarum instar. Pettinantem vocat radiolos pectinatim insertos.
© École des chartes.