« »
 
[]« Necare » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 582b. http://ducange.enc.sorbonne.fr/NECARE
NECARE, Negare, Submergere, ut Italis, Annegare. Lex Burgund. tit. 34. § 1 :
Si qua mulier maritum suum, cui legitime juncta est, dimiserit, Necetur in luto.
Lactantius de mortib. Persecutor. n. 38 :
Si qua detractaverat, in aqua Necabatur, tanquam majestatis crimen esset.
Adde n. 32. Gregorius Tur. lib. 3. Hist. cap. 52. de feminis maleficis :
Alias Enecat, alias incendio tradit.
Gesta Regum[] Francor. cap. 11 :
Uxoremque ejus ligato saxo ad collum, in aqua Necare præcepit.
Alii Codd. habent Negare. Agobardus lib. de Grandine :
Propter quam causam multos comprehensos audivimus, et vidimus, et aliquos occisos, plerosque autem affixos tabulis in flumen projectos et Necatos.
Hinc emendandam puto Inquisitionem ann. 1276. tom. 1. Hist. Dalphin. pag. 25. edit. Genev. et pag. 28. edit. Paris. ubi :
Quidam juvenis de Fuissino mortuus fuit, scilicet Nectitus in Rhodanum casu fortuito.
Legerem Necatus. Chronicon breve Andegavense ann. 1126 :
Filius Regis Anglorum in mari Necatur.
Adde Memoriale Potestatum Regiens. ad ann. 1276. apud Murator. tom. 8. col. 1139. etc.
Negare. Lex Alemann. tit. 73. cap. 3 :
Si aliquis aliquam clausuram in aqua fecerit, et ipsa aqua inflaverit, et ibi alicujus pecus Negaverit, etc.
Ita Editio Heroldi et veteres Codd. alii Necaverit habent. Lupus Protospata ann. 940 :
Et Negavit eum Pao in mari.
Id est, submersit. Chronicon Novaliciense apud Murator. tom. 2. part. 2. col. 744 :
Diabolus autem antiquus homicida perdidit hunc Negando ; suffocavit enim eum in gurgitem aquæ.
Harumce vocum origo Hneigen, Celtis, Submittere, ut observat Schilterus in Glossario Teutonico.
P. Carpentier, 1766.
◊ Glossar. Provinc. Lat. ex Cod. reg. 7657 : Negar, Prov. Mergere, submergere.
les Bénédictins de St. Maur, 1733–1736.
Necatio, Submersio. Chronicon Astense apud Murator. tom. 1. col. 280 :
Et alia infinita mala, quæ fecit ipsum flumen Padi ..... tam in Necationibus hominum et bestiarum, quam aliter, esset longum scribere.
© École des chartes.