« »
 
NEGOTIUM 1, NEGOTIUM 2, NEGOTIUM 3, NEGOTIUM 4.
[]« 1 negotium » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 585a. http://ducange.enc.sorbonne.fr/NEGOTIUM1
1. NEGOTIUM, Negotiatio, Mercatura,[] ϰαπηλεία, nos vulgo Negoce, Trafic, Commerce. Gloss. Lat. Græc. : Negotiatio, πραγματεία. Gloss. Gr. Lat. : Πραγματεῖα, Negotiatio, nundinatio. Πραγματευτὴς, Negotiator, mercator. Glossæ MSS. ad Canones Concilior. : Mercimonia, Negotia. Mela de Ægyptiis :
Forum ac negotia feminæ, viri panes ac domos curant.
Gregorius M. lib. 6. Epist. 36 :
Lucris tamen Negotii vestri congaudeo.
Canones Afric. cap. 16 :
Placuit ut Episcopi, Presbyteri, Diaconi non sint conductores, aut procuratores, neque ullo turpi Negotio et inhonesto victum quærant.
Charta Ottonis Imp. ann. 964. pro Ecclesia Patavina, apud Ughellum :
Castella cum turribus et propugnaculis erigere ; Negotia constituere, molendina componere, etc.
Ita etiam usurpari in leg. 1. De exercit. act. annotarunt alii. Adde Alypium Antiochen. seu auctorem Descript. orbis cap. 16. cap. 17. § 7. 19. 21. 36. 38. 40. 47. 50. etc. Capit. Caroli M. lib. 1. cap. 131. lib. 5. cap. 210.
Negotium. Merx ipsa. Formulæ vett. Bignonianæ form. 45 :
Venditor vel commercius quodlibet Negotium habeat vendendi.
Synodus Vernensis ann. 755. cap. 26 :
De teloneis vero sic ordinamus, ut nullus de victualio et carris, quæ absque Negotio sunt, teloneum prehendat.
Ita in Capitulari Metensi cap. 6. in Concilio seu Capitulari Francofordiensi ann. 794. cap. 5. alias 3. etc.
Negotiare, Mercaturam exercere, Negocier. Apuleius lib. 5 :
Magnis pecuniis Negotiantem.
Capitulare ann. 803. cap. 2 :
De negotio super omnia præcipiendum, ut nullus audeat in nocte Negotiare in vasa aurea et argentea, mancipia, gemmas,... sed in die coram omnibus et coram testibus unusquisque suum negotium exerceat.
Adde Capitul. 2. ann. 805. cap. 7. et lib. 3. Capitul. cap. 6.
les Bénédictins de St. Maur, 1733–1736.
Negociator. Diploma Neapolitanorum pro Amalphitanis ann. 1190 :
Ita ut vos Negociatores, Campsores seu Apothecarii, etc.
Brencmannus Dissert. 1. de Republica Amalph. pag. 17. Negociatores mercatores interpretatur qui particulatim merces suas distrahunt, Apothecarios vero eos, qui acervatim seu per aversionem vendunt. De Campsoribus dictum in Cambiare.
P. Carpentier, 1766.
◊ Institor, nostris Négociateur, eadem acceptione. Lit. remiss. ann. 1391. in Reg. 141. Chartoph. reg. ch. 183 :
Guillaume Corault varlet et Négociateur de Marguerite de Montagu,... gouvernant les négoces et besongnes d'icelle Marguerite.
Vide Negotitæ.
les Bénédictins de St. Maur, 1733–1736.
Negociatus, Negotiator, qui negotium seu mercaturam exercet. Ratherii Veron. Synodica ad Presbyteros, tom. 2. Spicil. Acher. pag. 261 :
Sacra vasa et vestimenta sacerdotalia nolite in pignore dare Negociato aut tabernario.
© École des chartes.
[]« 2 negotium » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 585b. http://ducange.enc.sorbonne.fr/NEGOTIUM2
2. NEGOTIUM. Res. Arnobius lib. 6 :
Sicut illi referunt, qui Negotia Thespiaca scriptitarunt.
les Bénédictins de St. Maur, 1733–1736.
Negotium Fiscale, Jus fisci. Privilegium ann. 704. tom. 1. Monastici Anglic. pag. 12. col. 2 :
Ego Ina Rex..... hanc libertatem Monachis, qui in Ecclesia B. Dei genitricis Mariæ et B. Patricii.... hanc privilegii dignitatem super altare pono, ut sine impedimento secularium rerum, et absque tributo fiscalium Negotiorum, liberis mentibus, soli Deo serviant.
les Bénédictins de St. Maur, 1733–1736.
Negotium Sæculare. Epistola Monachorum Montis-majoris ad Gregorium PP. apud Mabillon. lib. 51. Annal. Benedict. num. 55. ad ann. 997 :
Prorupit quidam Monachus ex Monasterio S. Ægidii, [] et a Negotio sæculari, vel a Principibus sæculi ultro se ingerens, ausus est se facere Abbatem.
Idem sonant a Negotio sæculari et a Principibus sæculi ; a Negotio igitur sæculari hic idem est quod Principum sæcularium ac Magnatum auctoritate vel patrocinio.
P. Carpentier, 1766.
◊ Nostri Négoce, eodem sensu, dixerunt. Feuda Norman. in Reg. S. Justi ex Cam. Comput. Paris. fol. 154. r°. col. 1 :
Robertus de Castello tenet terram suam de rege per sergenteriam, et debet ire cum serviente regis ad capiendum latrones, vel ad capiendum Negotia (sic lego) defortiata. Willelmus de Pulcro campo tenet terram suam usque ad xxv. acras tali servicio, quod debet adjuvare ad tenendum placita Rothomagi ter in anno, et ad capiendum latrones et Negotia defortiata per submonitionem famuli regis.
Lit. ann. 1372. tom. 5. Ordinat. reg. Franc. pag. 516 :
L'arcevesque de Tours estant en la court de Romme pour les Négoces de son eglise, etc.
© École des chartes.
[]« 3 negotium » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 585c. http://ducange.enc.sorbonne.fr/NEGOTIUM3
3. NEGOTIUM, Ipsa actio venerea. Sic enim plerique interpretantur illud S. Pauli 1. Thessalon. cap. 4 :
Ne quis supergrediatur, neque circumveniat in Negotio fratrem suum.
Græcum habet ἔργον. Hincmarus Remensis Epist. 7. cap. 11 :
Non de hoc verecunde quæramus, quod et Apostolus non nudo, sed velato nomine loquens apud legitime conjugatos studuit appellare dicens, Ne quis circumveniat in Negotio fratrem suum.
© École des chartes.
[]« 4 negotium » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 585c. http://ducange.enc.sorbonne.fr/NEGOTIUM4
4. NEGOTIUM, pro Prælio. Saxo-Grammaticus lib. 1 :
A quo terrestri Negotio superatus Hadingus, etc.
© École des chartes.