« »
 
[]« Nembda » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 586a. http://ducange.enc.sorbonne.fr/NEMBDA
NEMBDA, in Jure Sueonum vetusto judicem significat. Vide Joan. Stiernhookum pag. 31. 52. et seq.
les Bénédictins de St. Maur, 1733–1736.
◊ Nembda, Nempda vel Nemda non judicem, sed cœtum duodecim proborum seu legalium hominum significat, quos vel partes ipsæ litigantes, vel ipse Judex eligebat, et quibus quarumdam causarum inquisitionem atque etiam sæpius judicium committebat, præsertim cum nulli aderant testes. Ita in Legibus Urbanicis Biorco Sueonum antiquæ metropoleos, ab Hadorphio Stockolmiæ editis cap. 11. n. 1 :
Si nulli adfuerint testes, Nempdæ sive duodecim virorum judicio res committatur.
Næmd, inquit Olaus Verelius,
ubique in legibus judicium ordinarium duodecim assessoribus constans ; dicitur a Nemna, denominare, eligere, quod a litigantibus denominabantur, sex ab actore, totidem a reo
. Idem in Notis ad Bervarar Sagæ cap. 14 :
Postea deprehensum magis ex usu esse, non requisita litigantium nominatione, duodecim hos judices auctoritate constitui publica, non in causas singulas, sed omnes judicandas.
In Legum Wisigothorum libro, quem edidit Olaus Rudbeckius, multa leguntur de Nemda et Nemdariis a capite 2. ad 10. Idem itaque est duodecim Juratorum numerus sive Jurata apud Anglos, quod Nemda apud Danos, Suecos et Norvegos, a quibus per Normannos in Angliam invectum videtur ejusmodi judicium. Plura Hickesius Dissert. Epist. pag. 37.
les Bénédictins de St. Maur, 1733–1736.
Nemdarius, Unus e duodecim judicibus seu legalibus viris, qui Nemdam constituunt. Ol. Rudbeckius in suo libro Legum Wisigothorum cap. 2 :
Nullus qui servit Nemdarius esse debet, ni cum colonorum et præfecti territorii consensu.
Et cap. 3 :
Si ad judicia non veniat Nemdarius octo trientibus mulctabitur.
P. Carpentier, 1766.
◊ Huc spectare videtur vox Belgica Niemschewit vel Nimpscewit ex Charta Arnulphi comit. Ghinar. pro homin. Bredenardi ann. 1272. in Reg. 147. Chartoph. reg. ch. 325 :
Voirs est que chil de Bredenarde doivent avoir et tenir et warder de droit et de anchien establissement et par droite longue tenanche, eschevinage et de loy plainement et entierement de Bailloen en Flandres, qui en Flameng est ditte Nimpscewit.
Lit. confirmat. ejus Chartæ ann. 1279 :
Je me suis assentis que mi eschevins de Bredenarde.... aient le loy de Bailoeul en Flandres, que on appelle la Niemschewit.
Vide supra Neffinger.
© École des chartes.