NESCIENTIA, Ignorantia. Claudianus Mamertus lib. 1. de Statu animæ cap. 11 :

Cumque non nisi ab ignorantia proficiscatur dubietas arbitrantis, agnosco te nobis quærentibus veritatem, pro una quam polliceris scientia multorum Nescientias attulisse.

Utitur etiam lib. 3. extremo, ut et sanctus Eulogius lib. 1. Memor. Sanct. :

Claritatem sacræ legis pravo errore Nescientiæ interpolantes.

Idem in Documento martyrii :

Et si fortassis in aliquibus sanæ doctrinæ sententiam meam obstare repererint, Nescientiæ, id est, non voluntario errori ascribant.

Adde Legem Wisigoth. lib. 12. tit. 1. § 3. et Concil. Toletanum xvi. can. 6.