1. NOMUS, Territorium, Lusitanis Comarca, Districtus minor diœcesi, quæ in plures comarcas dividitur, à Græco νόμος, Præfectura, vel locus pascuus ; unde Ægyptus pascuis abundans in Nomos antiquitus divisa, sive in Præfecturas oppidorum, quas Nomos vocant, ut Plinius lib. 5. cap. 4. Resendius in Vita S. Ægidii Ord. Prædicat. tom. 3. Maii pag. 417 :

Turribus novis agebat Pelagius quidam Martinus, qui exactoribus vectigalium Reginæ in eodem Nomo præpositus erat ; nam per Nemos distribui præpositos hos, qui vectigalia, vel ab exactoribus jam collecta, vel a redemptoribus adhuc debita cogunt, si vos nescitis, etc.