NOVIGILDUM, Niungeldum, Mulcta pro re qualibet ablata furto aut alio quovis modo, qua reus novies ejusdem rei pretium reddere tenetur. Vide Geldum. Lex Burgund. tit. 8. § 2 :

Si autem permissus juraverit, et post sacramentum potuerit forte convinci, in Novigildo se noverit redditurum.

Adde tit. 9. tit. 19. § 11. tit. 45. tit. 76. § 2. Lex Alem. tit. 7. § 1 :

Si quis res Ecclesiæ furaverit,... tres Novigildos solvat.

Tit. 72. § 1 :

Ille fur furtivum reddat Novemgeldis.

Tit. 76 :

Novemgeldo solvatur.

Tit. 99. § 6. 11. 15. etc. Novem geldos componat. Lex Bajwar. tit. 1. cap. 3. § 1 :

Si quis res Ecclesiæ furaverit,... de qualicumque re Niungeldos solvat, id est, novem capita restituat.

Tit. 2. cap. 13. § 1 :

Triunium geldum componat, hoc est, ter novem donet homo, servus vero Niungeldo solvat.

Tit. 8. cap. 1 :

Niungeldo componat, hoc est, novem capitalia restituat.

In Lege Frision. tit. 20 :

Novies componere, Novem Weregildos componere. Novengeldus,

in Capitulari 3. ann. 813. cap. 23. Vide Niungeldum.