OBBA, Oba, genus calicis, Ugutioni et Joanni de Janua : Nappo Italis. Gloss. Anglo-Sax. Ælfrici : Caupus, vel Obba, Cuppe. Jo. de Garlandia in Synonymis :

Urceus, urceolus, est urna, vel amphora, testa,

Obba, vel œnophorum, simul orca, fidelia vasa.

Glossæ MSS. : Cratera, vel Obba, calix ansas habens. Petrus Damianus lib. 6. Epist. 26 :

Parili conversione pepigerat, ut apposita cuique vini, sicut mos est, personaliter Obba, uterque quotidie utriuslibet mensura contentus esset.

Domnizo lib. 1. de Vita Mathildis cap. 10 :

Obbas et lances ad mensam fert equus.

Monasticum Angl. tom. 1. pag. 104 :

Hac vero mensura bis in die Obbæ Monachorum implebantur, scilicet ad prandium et ad cœnam.

Chartarium Eccl. Auxitanæ cap. 73 :

Et per unum annum ad mensam cum ceteris Fratribus libra panis et Obba vini pauperi tribuatur.

Vide Olba.