OBEDIENTIARIUS 1, Glossarium mediae et infimae latinitatis, Du Cange et al.

« 1 obedientiarius » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 004c. http://ducange.enc.sorbonne.fr/OBEDIENTIARIUS1

1. OBEDIENTIARIUS, Prima Dignitas, ut vocant, inter Canonicos S. Justi Lugdun. Charta ann. 1287. in Actis SS. Junii tom. 5. pag. 345 :

Ad instantiam et requisitionem Obedientiarii et Capituli Ecclesiæ S. Justi Lugdunensis, etc.

Alia ann. 1305. tom. 1. Hist. Dalphin. pag. 22 :

Testes fuerunt ad hoc vocati dominus Andræas de Scalis Obedientiarius S. Justi, etc.

Idem Andreas de Scalis Obedientiarius S. Justi, rursum inter testes legitur in Charta ann. 1307. tom. 2. ejusdem Hist. pag. 136. Cum hoc Canonicorum S. Justi Collegium, primum fuerit Monachorum congregatio, ab Obedientiis monasticis, quæ, ut supra dictum est, pro quovis munere, officio vel dignitate sumuntur, Præpositum hujus Ecclesiæ Obedientiarium appellatum fuisse facile crediderim. Aliæ hujus Ecclesiæ Dignitates sunt Sacrista, Cantor et Præpositus. Vide Obedientiarii in Obedientia 1.

P. Carpentier, 1766.

◊ Vulgo Obedienciaire, alias Obeancier. Charta ann. 1482. in Reg. 207. Chartoph. reg. ch. 162 :

Nos bien amez les Obeancier, chanoines et chappitre de l'église collegial S. Just de Lyon, etc.

les Bénédictins de St. Maur, 1733–1736.

◊ In ejusdem civitatis Ecclesia metropolitana Obedientiarii dicuntur Obedientiarum, quas Obeances vocant, possessores. Facultates Canonicorum hujus Ecclesiæ bifariam dividuntur in Mansiones et Obedientias. Illæ consistunt in castellis, agris et juribus justitiæ ; hæ vero in censibus, decimis, obventionibus seu adventitiis emolumentis. Qui hujusmodi redditibus fruuntur, appellantur Obedientiarii, in Charta Philippi Pulcri Franc. Regis ann. 1307. apud Menesterium in Probat. Histor. Lugdun. pag. 44. col. 2. ubi sic habetur :

Volumus quod in singulis castris Decani et Capituli Lugdunensis unus solus constituatur Castellanus, Præpositus seu quovis alio nomine appelletur, qui solus temporalem pro Capitulo in illo loco jurisdictionem temporatem exerceat, qui per Capitulum et Obedientiarios, quorum intererit, concorditer eligatur. Qui si infra quinque dies in unum eligendum concordare non poterunt, Decanus, Archidiaconus, Præcentor, Cantor et Sacrista, aut duo aut unus ex ipsis una cum dicto Archidiacono, illum infra triduum poterunt eligere, et salarium competens eidem statuere.