« »
 
[]« Oblivium » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 016a. http://ducange.enc.sorbonne.fr/OBLIVIUM
OBLIVIUM. Gloss. Gr. Lat. : Λήθη, Oblivium, Obliteratio. Quæ quidem vox utraque Græca et Latina in memoriam revocat carceris Episcopi Parisiensis nomenclaturam sat insolentem, qui vulgari idiomate Oubliette dicebatur, quod qui in eum conjicerentur delinquentes Clerici, quasi obliti, in eo diutius detinerentur, apud Froissartem, 2. vol. cap. 84. Guillelmum Episc. Tornacensem in Hist. Velleris aurei, et in Chron. Flandrensi cap. 86. ubi de Henrico de Malestroit. Eadem perinde ratione castrum, nescio quod in Perside, Λήθην vocatum memorant scriptores, quod, ut ait Procopius lib. 1. de Bello Persico cap. 5. de eo qui illuc esset conjectus, mentionem unquam fieri ex lege vetitum esset, pœna etiam capitali iis proposita, qui ipsius nomen protulissent. Agunt præterea de hoc castro Theophylactus Simocatta lib. 3. cap. 5. Leontius in Vita S. Joannis Eleemosynarii, Agathias pag. 138. Theophanes pag. 220. et Miscella lib. 17. Præterea Menæa 13. Julii. Simili etiam nomenclatura postremos Imperatores Byzantinos carcerem habuisse docemur ex Nicephoro Gregora libr. 9. et Pachymere libr. 3. cap. 38. qui illud Nicææ fuisse innuit, in quem amandari solebant proceres qui deliquerant.
P. Carpentier, 1766.
◊ Carceris episcopi Parisiensis, nostris Oubliette, mentio occurrit in Lit. remiss. ann. 1374. ex Reg. 105. Chartoph. reg. ch. 286 :
Pluseurs prisonniers, qui estoient condampnés à la peine de Oubliete et autres, se soient eschapez de la geole de la court de l'official de Paris.
Verum hac appellatione etiam donatur carcer episcopi Bajocensis, in Lit. remiss. ann. 1380. ex Reg. 117. ch. 141 :
Les aucuns d'iceulx malfaicteurs furent depuis pris et penduz à Baieux, et les autres mis en Oubliete en la court de l'évesque dudit lieu de Baieux, là ou ilz moururent pour leurs démérites.
Unde facile colligitur eo nomine potissimum appellatum fuisse angustum et tenebrosum carcerem, vulgo Cachot, et maxime, quando quis in eum ad mortem usque conjiciebatur ; quod ex sequentibus satis, ni fallor, liquet. Lit. remiss. ann. 1389. in Reg. 138. ch. 98 :
Icellui Thibaut avoit esté mis en Oubliete, où il n'a aucune clarté, et où on met larrons.
Aliæ ann. 1418. ex Reg. 170. ch. 262 :
Lesquelz ont esté condampnez[] en chartre perpétuelle, nommée Obliete.
© École des chartes.