OFFICIARE 1, Glossarium mediae et infimae latinitatis, Du Cange et al.

« 1 officiare » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 036a. http://ducange.enc.sorbonne.fr/OFFICIARE1

1. OFFICIARE. Ugutio :

Funerare, sepelire, Officiare, ut, Iste funerat corpus, i. Officiat corpus, scilicet facit exequias funeris, et funerosa officia agit.

Itinerarium Gregorii IX. PP. :

Non licuit nos Officiare pro mortuis.

Officiare, Ecclesiam deservire, in ea officium Ecclesiasticum peragere. Charta Landolphi et Pandolphi Ducum Beneventan. in Chronico S. Sophiæ pag. 654 :

Jam dictam Ecclesiam cum omni ornatu, vel rebus pertinentibus ad eandem Ecclesiam potestatem habeatis tenere, donare, et eandem Ecclesiam Officiare, et dare ad tenendum ac dominandum cuicumque vobis pro vestro libero arbitrio placuerit, qui in eadem Ecclesia Officiare debeat, sicut consuetudo est.

Vide Ughellum tom. 6. pag. 279. tom. 8. pag. 654. Will. Thorn. pag. 2089. Concilium Lambethense ann. 1281. cap. 2. Stephanum Tornacensem Ep. 231. Ludewig. tom. 1. pag. 105. et 136. Hist. Eccl. Meld. tom. 2. pag. 178. Continuationem M. Bullarii Rom. pag. 287. col. 1. Histor. Dalphin. tom. 2. pag. 174. Mirac. S. Zenobii Episc. tom. 6. Maii pag. 57. Lobinell. in Gloss. tom. 3. Hist. Paris. etc.

Officiari, dicuntur dies festi, cum in iis proprium diei et festi officium Ecclesiasticum peragitur, apud Honorium Augustod. lib. 3. cap. 71. et Durandum lib. 6. Ration. cap. 36. n. 3. Officiata dies, in Summula Raimundi, id est, festa dies, ut est in Glossa superlineari.

Inofficiari, apud eumdem Honorium lib. 4. cap. 14. et 96. in Micrologo cap. 29. 41. apud Radulphum Tungr. lib. de Canonum observantia cap. 15. 17. Metropolis Salisburgensis tom. 3. pag. 38 :

Quod nobis liceat nostras Ecclesias Parochiales Inofficiare,

id est, in iis sacra officia peragere.

Beneficium curatum sive non curatum Inofficiare

, apud Rudolfum de Haringen, lib. 2. Miscell. Raim. Duellii pag. 100.

les Bénédictins de St. Maur, 1733–1736.

Inofficiata Capellania, In qua non fit officium divinum, in Charta Hugonis Abb. Corbeiensis ann. 1278. ex Archivo ejusdem Cœnobii.

Officiositas, Officii Ecclesiastici peractio, apud Durandum lib. 6. cap. 36. n. 4.

P. Carpentier, 1766.

◊ Heric. in Mirac. S. Germ. Autiss. lib. 2. cap. 11. apud Labb. pag. 561 :

Cumque circa gallicinium nocturnæ functionis Officiositas a fratribus ageretur.

Vide suo loco.