OMOPHAGIA, ὠμοφαγία, Crudorum voratio, esus crudarum carnium. Arnobius lib. 5 :

Bacchanalia etiam prætermittimus, quibus nomen Omophagiis Græcum est, in quibus furore mentito, sequestrata corporis sanitate circumplicatis vos anguibus, atque ut vos plenos Dei nomine ac majestate doceatis, caprorum reclamantium viscera cruentatibus oribus dissipatis.

Hinc emendandus Joh. de Janua, qui habet Omofagia, Una vel similis comestio ; perperam ducta voce ab ὀμὸς, similis, par, quæ derivatur ab ὠμὸς, Crudus. Eumdem de Janua incaute secutus Glossator Lat. Gall. Sangerman. Omofagia reddit, Une ou semblant commestion.