1. OPUS, Operatio, Eleemosyna, quæ præcipua est inter opera bona ; virtus nempe quæ avaritiæ opponitur. Epitaphium Berthæ uxoris Adalberti Marchionis in Italia apud Ughellum tom. 1. pag. 856 :

Exulibus miseris mater charissima mansit,

Atque peregrinis Opus semper tribuit.

Exstat D. Cypriani liber qui inscribitur, de Opere et Eleemosyna. Ibidem :

Et quia semel in baptismo remissio peccatorum datur, assidua et jugis Operatio baptismi instar imitata, Dei rursus indulgentiam largitur.

Occurrit ibi pluries. Epist. 3 :

Pro cætera sollicitudine et cura sua, quam fratribus in omni obsequio Operationis impertit.

Prudentius in Psychomachia avaritiæ et operationis :

Cum subito in medium frendens Operatio compum

Prosilit.

Gualdo Monachus Corbeiensis in Vita S. Anscharii Archiep. Hamaburg. num. 82 :

.......... Operatio virtus

Virtutum radix, et earum sedula nutrix.

Concil. Tolet. ann. 1582. inter Hispana tom. 4. pag. 220 :

Et est contra pias defunctorum voluntates, qui reliquerunt multa Opera pia certo tempore annuatim distribuenda.

Vide Operari.